Foto ©REUTERS
Premer-ministr Asqar Mamin aqyly túrde ekpe saldyrý usynysyn qoldady, - dep habarlaidy Tengrinews.kz tilshisi.
Densaýlyq saqtaý ministri Aleksei Tsoi Qazaqstanǵa 379 myń doza Pfizer vaktsinasynyń alǵashqy partiiasy jetkizilgenin eske saldy. Onyń aitýynsha, ekinshi partiiany 20 qarashaǵa deiin jetkizý josparlanǵan.
Respýblikanyń jeti óńirinde vaktsinatsiia bastalǵan. Bul – Jambyl, Qaraǵandy, Qyzylorda, Túrkistan oblystary jáne Almaty, Nur-Sultan jáne Shymkent qalalary.
"Vedomstvoaralyq komissiia tapsyrmasyna sáikes, Comirnaty (Pfizer) vaktsinasyn halyqtyń qalaýy boiynsha aqyly negizde vaktsinatsiialaý boiynsha kommertsiialyq naryqta ótkizý múmkindigi týraly Úkimet Qaýlysynyń jobasy ázirlendi", - dedi Tsoi Úkimet otyrysynda.
QR premer-ministri Asqar Mamin ministr men VAK usynysyn qoldady.
"Men kommertsiialyq segmentke vaktsina jetkizý múmkindigi týraly usynysty qoldaimyn, osylaisha tilek bildirýshiler ózderine qajetti vaktsinany aqyly túrde ala alady", - dedi Mamin.
