- QR Aqparat jáne kommýnikatsiialar ministri Dáýren Abaev ministrlik saitynda «Shaǵymdaný» bólimi ashylǵanyn habarlady.
Bul týraly ministr Feisbýktegi jeke paraqshasynda jazdy.
«Qymbatty dostar, bizdiń ministrlik saitynda «Shaǵymdaný» bólimi ashyldy. Ol jerge kez kelgen azamat Internette Qazaqstan zańnamasyna qaishy keletin aqparattyń jariialanǵany týraly habarlamasyn qaldyra alady.
Másele, negizinen áleýmettik jelilerdegi sýitsidti, esirtkini nasihattaǵan, terrorizm men ekstremizmge, qatygezdik pen ultaralyq janjalǵa úndegen toptarǵa jáne saittarǵa qatysty.
Atalǵan bólimde qoldanýshy zań buzýshylyq kategoriiasyn tańdap, materialdyń siltemesin engizip, shaǵymyn ýákiletti organǵa joldai alady. Biz tirkelý formasynyń qoldanýshy úshin barynsha yńǵaily, qarapaiym bolýyn qamtamasyz etýge tyrystyq.
Ministrlik árbir shaǵym boiynsha jedel áreket etip, jariialanǵan materialdarǵa quqyqtyq baǵa beredi. Eger zań buzýshylyq naqtylansa, olar elimizdiń aýmaǵynda buǵattalady.
Sonymen qatar, bizge jýrnalister tarapynan qandai da bir resýrstyń ne sebepti buǵattalǵany týraly suranym jii túsedi. Osy oraida biz mundai aqparat qoǵam úshin ashyq bolýy kerek dep sanaimyz.
Sondyqtan, aldaǵy ýaqytta resýrstardyń jabylýynyń sebebin kórsete otyryp, buǵattalǵan siltemeler bazasyn qurýdy josparlap otyrmyz.
Eger ózińizge nemese jaqyndaryńyzǵa qaýip tóndiretin kontentti kórseńiz, siltemesin myna adreske joldaýyńyzǵa bolady:http://mic.gov.kz/kk/complain», dep habarlady Dáýren Abaev.
