Kollaj: Ult.kz
Milanda ótken qysqy Olimpiada oiyndaryna qatysty qazaqstandyqtarda daý týyndady. Mánerlep syrǵanaýdan elimiz atynan tórelik etken Nadejda Paretskaianyń bergen baǵalary áleýmettik jelilerde kúmán týǵyzyp, jankúierlerdiń narazylyǵyna tap boldy. Jeli qoldanýshylary ony reseilik sportshyǵa joǵary baǵa qoiyp, qazaqstandyq mánerlep syrǵanaýshylardyń upailaryn túsirdi dep kinálap otyr.
Paretskaia syrǵanaý kezinde qulap alǵan reseilik sportshy Adeliia Petrosianǵa 147,04 upai berip birinshi orynǵa qoiǵan, al qazaqstandyq Sofia Samodelkinanyń upaiyn Nadejda Paretskaia tómendetip, jalpy esepte onynshy orynǵa taban tireýine týra kelse, Mihail Shaidorovty qazaqstandyq tóreshi 1 ball qoiyp, jetinshi orynǵa ysyrǵanyn aityp narazylyq bildirdi. Shaidorovtyń bes sekirý elementin oryndap, táýekelge barýy sol sebepti dep boljaidy jeli qoldanýshylary.
Jeli qoldanýshylary Paretskaiany jumysynan shettetip, bul isti tergeýdi talap etip jatyr.
threads áleýmettik jelisinen skrinshot
Buǵan deiin Milan-2026 qysqy Olimpiada oiyndaryna Nadejda Paretskaia mánerlep syrǵanaýdan erler men áielder arasyndaǵy jeke baǵdarlama boiynsha tóreshi bolyp taǵaiyndalǵany jelide habarlaǵan.
Áleýmettik jelilerde taralyp jatqan aqparatqa bailanysty Qazaqstan Respýblikasynyń Ulttyq Olimpiada komiteti málimdeme jasady.
"Olimpiada oiyndaryna tóreshilerdi taǵaiyndaý Qazaqstan UOK-nyń quzyretine kirmeidi. Bul fýnktsiialar tolyq kólemde halyqaralyq sport federatsiialarynyń mindetinde. Mánerlep syrǵanaý sportynda bul jaýapkershilik Halyqaralyq syrǵanaý odaǵyna (ISU) júktelgen, ol Olimpiada oiyndarynda jumys isteýge ruqsat etilgen mamandar quramyn ózdiginen anyqtaidy", - delingen habarlamada.
Sonymen qatar UOK jazýynsha kandidattardy tańdaýda ISU halyqaralyq tóreshi sanatyna ie bolýyn, rastalǵan biliktiligin jáne iri halyqaralyq jarystarda jumys tájiribesin basshylyqqa alady. Ulttyq Olimpiada komitetteri bul protsessqa áser ete almaidy jáne tiisti sheshimder qabyldaýǵa qatyspaidy.
Olimpiada oiyndaryndaǵy tóreshiler táýelsiz tehnikalyq mamandar retinde jumys isteidi, ISU erejelerine qatań baǵyný arqyly jáne syrtqy yqpaldan aýlaq ortada áreket etedi. Tóreshilerdiń jumysy ISU tehnikalyq komitetteri tarapynan baqylanady.
Tórelikke kúmán: Paretskaianyń burynǵy daý-damaiy
Paretskaianyń tóreligine qatysty daý-damai buǵan deiin de bolǵan eken. 2022 jyly Rrosports.kz basylymyna suqbat bergen Bagdana Rahishova esimdi sportshynyń anasy Aleksandra Pak Almatyda ótken V Spartakiadada tórelik etý asa birjaqty bolyp, kei tustarda ashyq túrde kásibi deńgeige sai bolmaǵan. Jáne Aleksandra Pak elimizdegi jarystarda tóreshilerdiń ádil baǵalamaýy alǵashqy ret emes ekenin aitqan. Ol óz sózinde V Spartakiada jarysyndaǵy tórelikti synǵa alyp, tóreshilerdiń atyn ataǵan. Olardyń arasynda Aleksandra Pak ádiletsiz túrde basqa sportshyny joǵary baǵadady dep Nadejda Paretskaianyń da esimin atady.
Foto: meteor-almaty.e-orda.kz
Nadejda Paretskaia kim?
Ashyq derekkózge súiensek, Nadejda Paretskaia - 1984 jyly týǵan Almaty qalasynyń turǵyny. Profildik sport túri boiynsha jalpy 20 jyldyq eńbek ótili bar Qazaqstan Respýblikasynyń sport sheberi, Joǵary deńgeidegi, joǵary sanatty jattyqtyrýshy, ISU deńgeiindegi halyqaralyq tóreshi bolyp esepteledi.
Ol 15 sportshyny qurama komandalarǵa daiyndalǵan jáne 17 sportshynysy halyqaralyq jáne respýblikalyq jarystardyń jeńimpazdary men júldegerleri.
Paretskaia 2005 jyly Qazaq sport jáne týrizm akademiiasyn Dene shynyqtyrý pániniń oqytýshysy, mánerlep syrǵanaýdan jattyqtyrýshy mamandyǵy boiynsha oqyp bitirgen.
