Qazaqstan ýniversitetterinde 2021 jyldan bastap stipendiialar qarjy ortalyǵynan tikelei stýdenttiń shotyna túsedi. Bul týraly bilim jáne ǵylym ministri Ashat Aimaǵambetov aitty, - dep habarlaidy «Ult aqparat».
Oǵan sebep – qazir stýdentterge tólemderdi esepteýdi joǵary oqý oryndary júrgizedi, mundai jaǵdaida belgili bir táýekelder bar.
Ashat Aimaǵambetovtyń aitýynsha, mundai júie keiingi otyz jyl boiy qoldanyldy. Endi kei jaǵdaidy eskerip, jańa júiege aýysyp jatyr. Bilim ministri apparat keńesinde sońǵy 30 jylda stipendiialar JOO-larǵa aýdarylǵan júie boldy, odan keiin JOO-lar stýdentterdiń úlgerimine qarap, osyǵan bailanysty stipendiialardy ózderi esepteidi.
«Alaida munda kóptegen táýekel bar ekenin kórip otyrmyz. Sonyń bárin alyp tastaý úshin bul júie qajet. Sondyqtan da tájiribege engizip otyrmyz. Bul da oń nátije kórsetedi dep senemin. Eń bastysy bilim salasyndaǵy jańashyldyqty qabyldai bilýimiz kerek», - dedi ministr.
Táýekel dep vedomstvo ókilderi birneshe JOO-da anyqtalǵan stipendiiany urlaý isiniń tirkelgenin tilge tiek etti. Aimaǵambetov atap ótkendei, qazirgi tańda osyndai tólem júiesin pilottyq rejimde úsh qazaqstandyq JOO pysyqtaýda, taǵy 23 oqý orny osyndai júieni engizýdi josparlap otyr.
"Pilottyq" jobada jańa júieni synaqtan ótkizip jatqan ýniversitetter mamyr aiynda kórsetilgen shema boiynsha stipendiia tóleidi.
"Shilde aiyna deiin pilottyq jobany aiaqtaýdy josparlap otyrmyz. Kelesi kezeń – grantty tikelei tóleý múmkindigin engizý", - dep atap ótti ministr.
Aimaǵambetov atap ótkendei, grant – bul stýdent alatyn qarajattyń maqsatty somasy.
"Bul qarajat JOO-ǵa aýdarylǵan kezde stýdent memleket oǵan aqsha tóleitinin sezbeidi. Qazir biz stýdenttiń eskroý-shotyna aqsha túsý úshin jumys istep jatyrmyz. Biraq stýdent bul qarajatty ózi oqýǵa túsken ýniversitettegi oqý aqysyn tóleýden basqa paidalana almaidy. Ol olardy basqa maqsat úshin paidalana almaidy", - dep túsindirdi ministr.
Bilim ministrliginiń málimetinshe, stipendiialardy tóleýdiń osyndai júiesin engizý esepteýlerdi avtomatty túrde júrgizýge jáne bolashaqta kassalar arqyly qolma-qol tólemnen bas tartýǵa múmkindik beredi.
Aita keteiik, 2020 dyldan bastap pedagogikalyq mamandyqtaǵy stýdentterge shákirtaqy 42 000 teńgege deiin ulǵaityldy. Osylaisha, pedagogikalyq mamandyqtarǵa túsetin talapkerlerge qoiylatyn talaptardy artyp, stipendiia mólsheri ulǵaidy.
Qyrkúiek aiynan bastap doktoranttardyń stipendiiasy 102 000 teńgeden 150 000 teńgege deiin ulǵaidy. Mundai shara jas ǵalymdarǵa jaqsy qoldaý bolyp tabylady, óitkeni negizinen doktoranttardyń óz otbasylary bar jáne óz zertteýlerin júrgizýmen ainalysady.
Biyl "Bolashaq" halyqaralyq stipendiiasyn taǵaiyndaý júiesi de ózgerip jatyr. Ol endi úsh kezeńdi qamtidy. Maýsym aiynda 90 stipendiia, tamyz aiynda – 170 stipendiia, qarasha aiynda – 125 stipendiia bólinedi. Bul stipendiiany osy kezeńge berilgen ótinimderge sáikes birkelki bólýge múmkindik beredi.
Esterińizge sala keteiik, Qazaqstan ýniversitetterinde 2021 jyldan bastap stipendiialar qarjy ortalyǵynan tikelei stýdenttiń shotyna túsedi. Bul týraly bilim jáne ǵylym ministri Ashat Aimaǵambetov aitty. Oǵan sebep – qazir stýdentterge tólemderdi esepteýdi joǵary oqý oryndary júrgizedi, mundai jaǵdaida belgili bir táýekelder bar.
Ashat Aimaǵambetovtyń aitýynsha, mundai júie keiingi otyz jyl boiy qoldanyldy. Endi kei jaǵdaidy eskerip, jańa júiege aýysyp jatyr. Bilim ministri apparat keńesinde sońǵy 30 jylda stipendiialar JOO-larǵa aýdarylǵan júie boldy, odan keiin JOO-lar stýdentterdiń úlgerimine qarap, osyǵan bailanysty stipendiialardy ózderi esepteidi.
