Foto: ashyq derekkóz
Alǵashqy 100 qazaq stýdenti Satbayev University bazasynda ashylǵan CityU Zertteý jáne innovatsiialar institýtynda oqýyn bastady, dep habarlaidy Ult.kz.
Ashylý saltanatyna QR Ǵylym jáne joǵary bilim ministrliginiń, Almaty qalasy ákimdiginiń jáne QHR Bas konsýldyǵynyń ókilderi qatysty.
Satbayev University rektory Meiram Begentaevtyń aitýynsha, bul institýt joǵary bilim sapasyn arttyrý baǵdarlamasynyń bir bóligine ainaldy. Álemdegi úzdik 100 joǵary oqý ornynyń qataryna kiretin CityU ýniversitetimen áriptestik aiasynda stýdentter ozyq ǵylymi bilimge qol jetkizedi.
Ashylý kúni elimizde alǵash ret álemniń úzdik 100 JOO-synyń birimen qos diplomdy PhD baǵdarlamasy iske qosyldy.
Oqý tili – aǵylshyn tili, al bilim QR Ǵylym jáne joǵary bilim ministrliginiń granty esebinen júrgiziledi. Alǵashqy eki jyl – Almatyda, qalǵany – Gonkongta ótedi.
Baǵdarlamalar jasandy intellekt, materialtaný jáne qurylys salalaryn qamtidy. Institýt álemdik deńgeidegi mamandardy daiarlaityn alań bolmaq.
