Foto: QR OAM
Pavlodar qalasynyń 11 synyp oqýshysy Igor Martyniýk YC Startup School bilim berý baǵdarlamasyna tolyq grant ielengen Ortalyq Aziiadaǵy alǵashqy oqýshy atandy. Bul baǵdarlamany álemdegi eń tanymal startap akseleratorlardyń biri Y Combinator uiymdastyrady, dep habarlaidy Ult.kz.
Igor TabAI startapyn óz betinshe ázirlegen. Bul jasandy intellekt negizinde jumys isteitin kómekshi, ol paidalanýshynyń tsifrlyq belsendiligin taldap, tapsyrmalardy júieleýge jáne jumys úderisterin basqarýǵa kómektesedi. Ónim aqparattyq júktemeni azaitýǵa baǵyttalǵan. Qazirgi tańda TabAI platformasyn álem boiynsha shamamen 20 myń qoldanýshy paidalanady.
Joba halyqaralyq qaýymdastyqtyń nazaryn aýdardy. Startap 35 myń dollar kólemindegi investitsiiany, sondai-aq infraqurylymdy damytýǵa arnalǵan Google grantyn aldy. Baǵdarlamadaǵy jas shekteýlerine qaramastan, Y Combinator komandasy Igordi shaqyrý týraly sheshim qabyldap, onyń Kremnii alqabyndaǵy YC Startup School baǵdarlamasyna qatysý shyǵyndaryn tolyq ótedi. Onyń ishinde jol aqysy, turý jáne oqýy qarastyrylǵan.
Sonymen qatar Igor Martyniýk jasandy intellekt salasyndaǵy qarqyndy damyp kele jatqan Cursor kompaniiasynyń resmi ambassadory atandy. Bul rólde ol Qazaqstan men Ortalyq Aziiada ázirleýshiler qaýymdastyǵyn damytyp, hakatondar, mitaptar jáne bilim berý is sharalaryn uiymdastyrady.
Igor aldaǵy ýaqytta jobany damytýdy jalǵastyryp, halyqaralyq baǵdarlamalarǵa qatysýdy jáne Y Combinator negizgi irikteýine ótinim berýdi josparlap otyr.
