Foto:depositphotos.com
Qysqy demalys 2024 jyldyń 30 jeltoqsanynan 2025 jyldyń 8 qańtaryn qosa alǵanda - 10 kún demalysta bolady, dep habarlaidy ult.kz.
Oqý-aǵartý ministrligi kanikýl kezinde de is-sharalar ótetinin málimdedi.
“Mektep oqýshylarynyń qysqy demalys kezinde tiimdi jáne qaýipsiz júris-turysy men tulǵalyq damýy úshin "Birtutas tárbie" baǵdarlamasy aiasynda is-sharalar jospary ázirlendi. Mekteptiń is-sharalar josparyna oqý, sporttyq, mádeni jáne shyǵarmashylyq is-sharalar kiredi”, – delingen habarlamada.
"Oqýǵa qushtar mektep" jobasyn iske asyrý sheńberinde – "Qysta kitap oqimyz, jadymyzǵa toqymyz" mektepishilik is-shara;
Teatr festivalderi men qoiylymdary;
Jańa jyldyq áshekeilerdi jasaý boiynsha sheberlik sabaqtary;
Qaýipsizdik sabaqtary;
Murajailarǵa, ǵylymi ortalyqtarǵa jáne tarihi eskertkishterge tanymdyq ekskýrsiialar;
Sporttyq oiyndar, konki tebý, shańǵy tebý;
Qaiyrymdylyq sharalary jáne t.b.
“Balalardyń qaýipsizdigin qamtamasyz etý – basty basymdyqtardyń biri. Osy oraida balalardyń qatysýymen bolatyn jol-kólik oqiǵalarynyń aldyn alý, mektepterde ishki tártip erejelerin saqtaý, kóshedegi qaýipsizdik sharalaryn saqtaý, úidegi órt qaýipsizdigi men kiberqaýipsizdik máselelerine basa nazar aýdarylyp jatyr. Bul is-sharalar bilim berý uiymdaryna ádistemelik usynystar retinde jiberiledi”, – deidi ministrlik.
