Foto: OAM
Almatydaǵy Nazarbaev ziiatkerlik mektebiniń eki komandasy NASA jáne AQSh Ulttyq ǵarysh qoǵamy (National Space Society) uiymdastyrǵan Space Settlement Contest 2025 halyqaralyq baiqaýynda jeńimpaz atandy, dep habarlaidy Ult.kz.
Baiqaýǵa álemniń 25 elinen 26 myńnan astam oqýshy qatysty. «YURT» jobasyn usynǵan almatylyq oqýshylar komandasy 1-oryndy ielendi.
«Komanda Iýpiterdiń orbitasymen qozǵalyp, onyń Ganimed jáne Kallisto serikterine jaqyndai alatyn avtonomdy ǵarysh stantsiiasynyń jobasyn tanystyrdy. Stantsiia 30 myńǵa jýyq adam turýǵa arnalǵan, jasandy gravitatsiia júiesimen jáne tolyqtai derbes tirshilikpen qamtamasyz etý júiesimen jabdyqtalǵan», - delingen Oqý-aǵartý ministrliginiń baspasóz qyzmeti habarlamasynda.
2-oryndy taǵy bir qazaqstandyq komandanyń «Ikarýs» jobasy ielendi. Olar 45 myń turǵynǵa arnalǵan Ganimedtiń tómengi orbitasynda ornalasqan ǵarysh stantsiiasyn qurastyrǵan.
