Foto: Pexels.com
Úshinshi toqsannyń aiaqtalýyna sanaýly kúnder qaldy. Kóktemgi kanikýl kezeńi 2025 jyldyń 21-naýryzy men 2025 jyldyń 31-naýryzyn qosa alǵanda on bir kúnge jalǵasady, dep habarlaidy Ult.kz Oqý-aǵartý ministrliginiń baspasóz qyzmetine silteme jasap.
Vedomstvonyń habarlaýynsha, mektep oqýshylarynyń kóktemgi demalystaǵy bos ýaqytyn tiimdi ótkizý jáne jeke tulǵalyq qasietterin damytý maqsatynda «Birtutas tárbie» baǵdarlamasy aiasynda is-sharalar jospary jasaldy. Sondai-aq 1-4, 5-9 jáne 10-11 synyp oqýshylaryna arnalǵan gaidbýk ázirlendi. Onda ár demalys kúni Naýryznamanyń onkúndigimen bailanysty jáne qoǵamnyń mańyzdy aspektilerine: otbasylyq qundylyqtarǵa, mádenietke, ulttyq dástúrlerge, qaiyrymdylyqqa, sportqa mán berildi.
Ol boiynsha mektepterde birqatar bilim berý, sporttyq, mádeni jáne shyǵarmashylyq is-sharalar ótkizý josparlanǵan:
- • teatr festivalderi men qoiylymdary;
- • sheberlik sabaqtary;
- • qaýipsizdik sabaqtary;
- • murajailarǵa, ǵylymi ortalyqtarǵa jáne tarihi eskertkishterge tanymdyq ekskýrsiialar;
- • sporttyq oiyndar;
- • qaiyrymdylyq aktsiialary jáne basqa da sharalar.
"Eń bastysy - balalardyń qaýipsizdigin qamtamasyz etý. Osy maqsatta ata-analarmen birge jol-kólik jaraqattarynyń aldyn alýǵa, mekteptiń ishki tártibin saqtaýǵa, balalardyń kóshedegi qaýipsizdigine, úidegi órt qaýipsizdigi jáne kiberqaýipsizdikke erekshe nazar aýdarylady", - delingen habarlamada.
