Qazaqstanda elektrondy oqýlyqtar daiyndalyp jatyr. Bul týraly Bilim jáne ǵylym ministri Ashat Aimaǵambetov málim etti, dep habarlaidy QazAqparat.
«Biz baspamen kelisip qoidyq. Oqýlyqtardyń elektrondy nusqasy qoljetimdi bolýy kerek. Biz de, baspa da qazirgi ýaqytta júrgizip jatqan eń mańyzdy jumystardyń biri osy», - dedi Ashat Aimaǵambetov Bilim jáne ǵylym ministrliginiń onlain formattaǵy tilshilermen kezdesýinde.
Eske sala ketsek buǵan deiin Ashat Aimaǵambetov «Qyrkúiekte balalar onlain oqi ma, álde mektepke bara ma?» degen suraqqa jaýap bergen edi. Ministrdiń aitýynsha osy úsh baǵyt boiynsha daiyndyq jumystary qyzý júrgizilýde.
«Osy úsh nusqa Densaýlyq saqtaý ministrligimen, basqa da memlekettik organdarmen talqylaný ústinde. Onyń qyr-syryn zertteý boiynsha jumys toptary bar. Iske ǵalymdar men pedagogtardy, mektep direktorlary men sarapshylardy tarttyq. Sol sebepti qazirgi ýaqytta barly óńirde úlken talqylaý jumystary júrgizilýde. Osyǵan deiin áleýmettik jelide tarap ketken slaid-material Bilim jáne ǵylym ministrligine tiesili emes. Ony mektep deńgeiinde talqylaǵandardyń biri taratýy múmkin», - dedi ol.
