Foto: QR TSM
Qazaqstandyq mektep oqýshylary 2026 jyldyń 19–29 naýryzy aralyǵynda kóktemgi demalysqa shyǵady, dep habarlaidy Ult.kz QR Oqý-aǵartý ministrligine silteme jasap. Biylǵy demalys 11 kúnge sozylady.
Ministrlik málimetinshe, demalys ýaqytynda oqýshylardyń bos ýaqytyn tiimdi uiymdastyrý úshin arnaiy is-sharalar kesheni josparlanǵan. Olar «Adal azamat» birtutas tárbie baǵdarlamasy aiasynda ótkizilip, balalardyń tulǵalyq damýyna, ulttyq qundylyqtardy dáripteýge jáne qoǵamdyq belsendiligin arttyrýǵa baǵyttalady.
Demalys «Naýryznama» onkúndigimen ótedi
Kóktemgi demalystyń ár kúni «Naýryznama» onkúndigimen úndesip, otbasylyq qundylyqtar men ulttyq dástúrlerdi nasihattaýǵa arnalmaq. Oqýshylar túrli mádeni, tanymdyq jáne tárbielik jobalarǵa qatysady.
Atap aitqanda, balalar:
«Taza Qazaqstan» bastamasy aiasyndaǵy ekologiialyq sharalarǵa;
«Eńbek adamy» jobasyna;
«Zań men tártip» taqyrybyndaǵy tanymdyq is-sharalarǵa qatysady.
Sonymen qatar oqýshylar dástúrli «Jer saǵaty» halyqaralyq ekologiialyq aktsiiasyna da atsalysyp, tabiǵatty qorǵaý mádenietin nasihattaidy.
Balalardyń qaýipsizdigi de nazarda
Demalys kezinde oqýshylardyń qaýipsizdigin qamtamasyz etýge erekshe kóńil bólinedi. Osy maqsatta mektepterde jáne ata-analarmen birlesip túsindirý jumystary júrgiziledi.
Atap aitqanda:
jol qozǵalysy qaýipsizdigi;
órt qaýipsizdigi;
internet pen kiberkeńistiktegi qaýipsizdik
boiynsha profilaktikalyq sharalar uiymdastyrylady.
Ministrlik ókilderi bul bastamalar demalys kezeńinde balalardyń ýaqytyn paidaly ótkizýge, olardyń qaýipsizdigin qamtamasyz etýge jáne ulttyq qundylyqtarǵa degen qyzyǵýshylyǵyn arttyrýǵa baǵyttalǵanyn atap ótti.
