Foto: QR SjIM
Tsindaoda ótken saýda-ekonomikalyq missiianyń qorytyndysy boiynsha qazaqstandyq kompaniialar qytailyq seriktestermen jalpy somasy $125 mln bolatyn kelisimderge keldi, dep habarlaidy Ult.kz.
Shandýn - Qytaidaǵy iri ekonomikalyq óńirlerdiń biri. Munda qýatty óndiris bazasy men úlken tutyný naryǵy bar. QazTrade málimetinshe, 2025 jyldyń qorytyndysy boiynsha Qazaqstan men Shandýn arasyndaǵy taýar ainalymy $2,2 mlrd-qa jetip, 40 paiyzdan astam ósti.
Missiiaǵa 25-ten astam otandyq kompaniia qatysty. Sapardyń negizgi bóligi qytailyq importtaýshylar men distribiýtorlarmen tikelei B2B kezdesýlerge baǵyttaldy.
Qazaqstan Qytai tarapyna agroónerkásip pen tereń óńdelgen ónimder usyndy. Un, mai ónimderi, bal, sút jáne konditerlik taýarlar qytailyq biznes tarapynan joǵary qyzyǵýshylyq týdyrdy.
Sapar aiasynda Saýda jáne integratsiia ministri Arman Shaqqaliev Shandýn provintsiiasynyń basshylyǵy jáne biznes ókilderimen kelissóz ótkizdi. Negizgi nazarda jetkizilim kólemin arttyrý jáne kelissózderdi naqty nátijege ainaldyrý. Sondai-aq indýstriialyq kooperatsiia máselesi de talqylandy. Sapar aiasynda ministr álemdik iri turmystyq tehnika óndirýshileriniń biri Haier kompaniiasynyń óndiristik alańyna bardy.
Saýda-ekonomikalyq missiiasy Saýda jáne integratsiia ministrligi men QazTrade uiymdastyrýymen ótti.
