Pandemiia eldegi farmatsevtika salasyna da áser etti. Olar qarantin kezinde úzdiksiz jumys istedi. Meditsinalyq mekemelerdi jeke qorǵanys quraldarymen qamtamasyz etti. Solardyń qatarynda Qazaqstanǵa jáne shet elge tanymal «Dolce-Pharm» kompaniiasy bar, dep habarlaidy QazAqparat.
Óndiristik keshen Almaty oblysyna qarasty Yntymaq aýylynda ornalasqan, onda 450 adam jumys isteidi. Zaýytta alty óndiris tsehy bar. Atap aitsaq, sterildengen jáne sterildenbegen qolǵaptar óndiretin tseh, dári-dármekter shyǵaratyn (belsendirilgen kómir) tsehy, túrli maskalar daiyndaityn avtomattandyrylǵan tseh, tigin óndirisi jáne barlyq operatsiialarǵa arnalǵan jiyntyqtar shyǵaratyn tseh, zararsyzdandyrý tsehy jáne analizder jinaýǵa arnalǵan plastik óndiretin tseh.
«Qazir biz úsh aýysymda kúsheitilgen rejimde jumys istep jatyrmyz. Pandemiia kezinde qosymsha jumys oryndaryn ashtyq. Naýryz aiynan beri 100 adam jumysqa qabyldandy. Nátijesinde qazir bizde 450 jumysshy bar. Tótenshe jaǵdai kezinde keńse qyzmetkerleriniń yńǵailylyǵy men qaýipsizdigi úshin Almaty oblysynda tolyqqandy jumys isteýge jaǵdai jasaldy – jatyn oryn, tamaq, kólik. Zaýytta sanitarlyq-dezinfektsiialyq jumys rejimi qatań saqtalady. Bizde koronavirýs juqtyrǵandar joq. Tek bailanysta bolǵandar boldy, olar birden oqshaýlandy, - dedi «Dolce-Pharm» kompaniiasynyń atqarýshy direktory Sáýle Mákisheva.
Onyń aitýynsha, qazir zaýyt jeke qorǵanys quraldaryn shyǵarady.
«Qazir bizde maskalar men kostiýmder jetkilikti. Qoimany toltyryp jatyrmyz. Qolǵaptarǵa qatysty kishkene problemalar bar, óitkeni biz olardy Malaiziiadan satyp alyp, zararsyzdandyryp, orap qaptaimyz. Pandemiia bastalǵaly beri maskalar men qolǵaptar búkil álem boiynsha shamamen 10 esege qymbattady. Sondyqtan endi biz memlekettik uiymdarǵa 2015 jyly bekitilgen eski baǵamen qolǵap bere almaimyz. Kelissózder júrgizilýde. Másele Úkimet deńgeiinde sheshilýde. Sondyqtan biz qosymsha kelisimge qol qoiylǵanǵa deiin qolǵap jetkizýdi toqtata turdyq», - dep túsindirdi ol.
Sondai– aq, ol tótenshe jaǵdai kezinde shikizat jetkizýde túrli problemalar bolǵanyn atap ótti. Týyndaǵan másele ministrlikterdiń aralasýymen oń sheshimin tapqan.
«Buryn maskanyń kóterme baǵasy 19 teńgeden bolatyn, pandemiia kezinde baǵa kóterildi. Qazir 65-96 teńge aralyǵynda. Bul shikizatqa bailanysty. Barlyq shikizat jetkizýshileri suranystyń ósýine orai baǵany kúrt kóterdi. Biz shikizatty Qytai, Resei jáne Túrkiiadan jetkizemiz», - dedi kásiporynnyń atqarýshy direktory.
Onyń aitýynsha, qazir jetkizýshilermen eki kelisimshart bar. COVID-19 bailanysty meditsinalyq qurylǵylardyń baǵasy qaita qaraldy.
«Bizde kelisim boiynsha 10 túrli zat bar. Máselen, qolǵap, maska, kostiým baǵasy 5-10 esege ósti», - dedi spiker.
Búginde zaýytta 2,5-3 mln maska bar. Táýligine 300 myńǵa jýyq maska men 150 myń sterildi qolǵap shyǵarylady.
