Foto: Pixabay.com
Bas prokýratýra kámeletke tolmaǵandardy sýitsidke itermeleitin “animeni” anyqtady, dep habarlaidy «Ult aqparat» Stan.kz-ke silteme jasap.
"Telegram messendjeriniń monitoringin qadaǵalaý barysynda "anime" janrynda ózine qol jumsaý boiynsha tapsyrmalardy oryndaǵan eki jasóspirim anyqtaldy.
Zańdy ókildermen sáikes profilaktikalyq jumys júrgizildi. Balalarǵa psihologiialyq kómek kórsetildi jáne ýákiletti organdar olardy baqylaýǵa aldy.
Sonymen qatar osy messendjerde balalar sýitsidin tikelei nasihattaityn 8-den astam zańsyz kontent anyqtaldy. Qazir"Kibernadzor" aqparattyq júiesi arqyly osy toptarǵa kirý buǵattalǵan.
“Qazanda oblys ákimdiginiń alańynda aýqymdy praktikalyq seminar ótkizildi. Onda oblystyń bilim berý mekemeleriniń direktorlary men psihologtaryna sýitsidke beiim balalardy, onyń ishinde áleýmettik jeliler men messendjerlerde anyqtaý boiynsha jańa ǵylymi ádistemeler men algoritmder jetkizildi.
Qadaǵalaý organynyń usynymdary boiynsha mektep ákimshiligi jalpyǵa birdei ata-analar jinalysyn ótkizdi. Onda jasóspirimderdi tárbieleý boiynsha ádistemelik quraldar jáne balalardyń smartfondarynda tyiym salynǵan aqparatqa qol jetkizýdi shekteý boiynsha baqylaý ornatý jónindegi talaptar jetkizildi”, – dep málimdedi prokýratýra.
Prokýratýra organdarynyń tapsyrmasy boiynsha, qaýip tobyndaǵy balalardy anyqtaý maqsatynda saýalnamalar men psihologiialyq treningter jalǵasyp jatyr.
