QR Syrtqy ister ministrligi Qazaqstandaǵy koronavirýs epidemiiasymen kúreske bailanysty bastama kóterdi, dep habarlaidy "Ult aqparat" SIM Facebook-tegi paraqshasyna silteme jasap.
Syrtqy ister ministrliginiń ókili Aibek Smadiiarov atap ótkendei, koronavirýs pandemiiasy ómirimizge kenetten kelip, búkil álemge tez tarady. 500 myńnan astam adamnyń ómirin alyp ketti jáne ǵalamshar turǵyndarynyń densaýlyǵy men ál-aýqatyna zor ziian keltirdi.
Bizdiń elimiz de kúrdeli kezeńdi bastan ótkerýde, otandyq densaýlyq saqtaý júiesi óz múmkindigi sheginde jumys isteýde. Dárigerler men meditsina qyzmetkerleri kún saiyn ózderiniń kásibi jáne azamattyq boryshyn adal oryndap, virýs juqtyrý qaýpine ushyraidy. Mundai sátterde yntymaqtastyq pen adamdardy ózara qoldaý mańyzdy.
Prezident Qasym-Jomart Toqaevtyń koronavirýsqa qarsy ultty jumyla kúresýge shaqyrǵan úndeýin jáne 13 shilde kúnin pandemiianyń qurbany bolǵan qazaqstandyqtardy jalpyulttyq aza tutý kúni dep jariialaý týraly sheshimin qoldai otyryp, Syrtqy ister ministrliginiń ujymy otandyq meditsina muqtajdyqtary úshin shetelden meditsinalyq jabdyqtar, dári-dármek jáne jeke qorǵaný quraldaryn satyp alý úshin qyzmetkerlerdiń jalaqysynan erikti negizde qarajat jinaýdy sheshti.
Sonymen qatar, Qazaqstandyq diplomattar birlestigi óz múshelerin volonterlik qyzmetke belsendi qatysýǵa shaqyrdy jáne olardy bizdiń medikterge praktikalyq kómek kórsetý úshin jiberýge daiyn.
Bul bastamalar epidemiiaǵa qarsy bizdiń jalpy kúresimizge óz úlesin qosady dep úmittenemiz.
