Ózbek ánshisi qazaq halqyn qoldap, «Atameken» ánin oryndaǵan edi. Soǵan alǵys retinde qazaqstandyq ánshi Əlisher Karimov Ózbekstannyń halyq ərtisi Iýldýz Ýsmanovanyń «Ýzbekiston» ənin ózbek tilinde oryndady. Bul týraly Mádeniet jáne sport ministrligi habarlady.
«Qazaqstannan ystyq yqylaspen» Qazirgi qiyn kezeńde qazaq halqy yntymaqtastyqty nyǵaityp, əlem halyqtarymen mádeni bailanystardy arttyra túsýge bar kúshin salady. Búginde əleýmettik jelilerde ózbek ənshisi Djon Rýmidiń kompozitor Janbota Tuiaqbaev pen aqyn Shómishbai Sarievtiń ataqty «Atameken» ánin oryndaǵan beinebaiany keńinen taralyp jatyr. Al kezinde Roza Rymbaevanyń oryndaýynda bul týyndy ər qazaqtyń júreginen oiyp turyp oryn alǵany belgili. Osylaisha Djon Rýmidiń qazaq halqyna arnaǵan mýzykalyq tartýy ejelden baýyrlas qos memleket azamattary tarapynan jyly lebizge ie bolyp jatyr. Tanymal ənshiniń erekshe syilyǵyn elimiz zor yqylaspen qabyl aldy. Osy syilyqqa jaýap retinde biz daryndy ánshi Əlisher Karimovtyń Ózbekstannyń halyq ərtisi Iýldýz Ýsmanovanyń «Ýzbekiston» ənin ózbek tilinde oryndaǵan beinebaianyn joldaimyz. Mýzykalyq óner arqyly bir-birimizge qoldaý kórsetip, birlik tanytý qazirgi syndarly kezeńde óte ózekti. Biz Qazaq eli árdaiym halyqaralyq mádeni yntymaqtastyqty arttyrýdy maqsat tutyp, baýyrlas halyqtardyń qoldaýy arqyly barlyq qiyndyqtardy jeńip shyǵatynymyzǵa senemiz», - delingen ministrlik habarlamasynda.
Eske salsaq, tanymal ózbek ánshisi Djon Rými Instagram paraqshasynda COVID-19 indetine qarsy kúreste qazaq halqyna qoldaý bildirip, «Atameken» ánin oryndaǵan edi.
Oqi otyryńyz
