QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiia jyldyq jumysyn qorytyndylady, dep habarlaidy QazAqparat.
«Táýelsizdik jyldary elimizde otbasy institýtyn nyǵaitýǵa, áielderdiń quqyqtary men ekonomikalyq múmkindikterin keńeitýge, ana men balany qorǵaýǵa qatysty bastamalar kóterilip, ony damytý qolǵa alynyp keledi. Otbasy qundylyqtaryn saqtap, ony nyǵaitý jalpy elimizdiń ári qaraiǵy damýyna áser eteri sózsiz. Óitkeni tek baqytty, baqýatty otbasy eldiń birligi men berekesiniń tiregi bola alatyny aqiqat. Tek birligi jarasyp, berekesi kelisken el ǵana jetistikke jeteri sózsiz», - dedi Ulttyq komissiia tóraǵasy Lázzat Ramazanova.
Otyrysta qaýipsizdik, sot jáne quqyq qorǵaý salalarynda qyzmet etip otyrǵan qyz-kelinshekter jaily, sondai-aq olardyń basshylyq qyzmetke taǵaiyndalýy týraly Joǵarǵy sot, Bas prokýratýra jáne Ishki ister ministrliginiń aqparattary tyndaldy.
Otyrys kezinde BUU Qaýipsizdik keńesiniń osy másele jónindegi 1352 qararynda kózdelgen bastamalar memleket tarapynan qoldaý taýyp jatqany aityldy.
Joǵary sot ókiliniń aitýnysha, elimizdiń sot korpýsynda jumys isteitin 2 382 sýdianyń jartysynan kóbi qyz-kelinshekter (52,6%). Aýdandyq sottarda sýdialyq qyzmettegi qyz-kelinshekterdiń úlesi de artýda (54,3%). Sot júiesindegi ákimshilik-memlekettik qyzmetshiler qatarynda qyz-kelinshekter sany 65,4%-y qurap otyr. Olardyń ishinde 370 (61%) qyz-kelinshek basshylyq qyzmette eńbek etip júr.
Al prokýratýra organdarynda 1071 qyz-kelinshek, iaǵni, jalpy qyzmetkerlerdiń 22%-y, onyń ishinde 73 áiel basshylyq qyzmet atqaryp júr. Ishki ister ministrliginiń komisisia usynǵan aqparaty boinysha, keiingi bes jylda quqyq qorǵaý qyzmetinde de qyz-kelinshekter sany artqan. Búginde bul salada 12 414 qyz-kelinshek (14%) júmys istep júr. Onyń ishinde 657 qyz-kelinshek (5,3%) basshylyq laýazymdy ielenip otyr.
