QR IIM kriminaldyq politsiiasynyń derekteri boiynsha, biyl internet-alaiaqtyqtyń tirkelgen oqiǵalarynyń sany ótken jylmen salystyrǵanda 3392-den 8464-ke deiin ósti, dep habarlaidy "Ult aqparat".
Alaiaqtardyń keń taralǵan quraldarynyń biri azamattarǵa olardyń qatysýynsyz onlain-kreditterdi resimdeý.
Máselen, Soltústik Qazaqstan oblysynda áleýmettik jelilerden qujattarynyń joǵalǵany týraly habarlandyrýdy taýyp, sol azamattardyń qujatynyń kóshirmelerin paidalanyp 50 urlyq jasaǵan alaiaq ustaldy. Qostanalyq áiel jeke kýálikterdiń fotosýretterin paidalana otyryp, jergilikti turǵyndardyń atyna olardyń qatysýynsyz taýarlyq onlain-kreditter resimdegen.
QR Qarjy naryǵyn retteý jáne damytý agenttigi ádisnama jáne prýdentsiialyq retteý departamentiniń direktory Dáýren Sálimbaevtyń aitýynsha, agenttik 2020-2021 jyldary mikroqarjy uiymdary bergen jalǵan kreditterge monitoring júrgizdi. 2021 jyldyń basynan bastap mikrokredittermen alaiaqtyq operatsiialardy boldyrmaý maqsatynda qadaǵalaý sharalary qabyldandy.
«Birinshiden, 2021 jylǵy aqpanda Agenttik mikroqarjy uiymdaryna (MQU) qatysty mikrokreditti biometriialyq sáikestendirýsiz nemese elektrondyq tsifrlyq qoltańba arqyly sáikestendirýsiz elektrondyq tásilmen berýdi toqtatýǵa nusqama berdi. Qosymsha zardap shekken azamattardy qorǵaý úshin MQU alaiaqtyq tásilmen alynǵan mikrokreditter boiynsha syiaqy men aiypaqy esepteýdi toqtatty. Bul oqiǵalar týraly aqparat zardap shekken qazaqstandyqtardyń kredittik tarihyn túzetý úshin kredittik biýroǵa jiberildi», - dedi Dáýren Sálimbaev.
Onyń aitýynsha, 2021 jylǵy naýryzda Agenttik onlain-qaryz beretin barlyq MQU-lardy klienttiń ózi ekendigin naqty tekserýdi jáne rastaýdy, onyń derekterin ótinimde kórsetilgen derektermen salystyrýdy, klienttiń naqty biometriialyq derekteriniń jeke basyn kýálandyratyn qujattarda kórsetilgen derekterge sáikestigin qamtamasyz etýdi, sondai-aq klienttiń mikrokredit alýǵa erik bildirýin tirkeýdi mindettedi.
Qabyldanǵan sharalar 2021 jylǵy 4 aida ótken jyldyń osyndai kezeńimen salystyrǵanda jalǵan mikrokreditter berý jaǵdailary 3,6 esege tómendegenin kórsetti.
«Júieli negizde mikrokredittermen alaiaqtyqqa jol bermeý úshin Agenttik aǵymdaǵy jylǵy 30 sáýirde onlain-mikrokreditter berý kezinde qaryz alýshylardy identifikattaýdyń jańa tártibin engizdi. Endi qaryzdardy alý úshin azamatty identifikattaý tek elektrondyq tsifrlyq qoltańba arqyly QR Ulttyq bankiniń sáikestendirý derekterimen almasý ortalyǵynyń servisin paidalana otyryp, biometriialyq ólshemderge sáikes kelý nemese derbes derekterdi jáne qaryz alýshynyń beinesin shynaiy ýaqyt rejiminde eki faktorly tekserý arqyly júzege asyrylýy múmkin. Mikrokredit berý qupiiasyn quraityn aqparatqa zańsyz qol jetkizý anyqtalǵan jaǵdaida, MQU eki jumys kúni ishinde sebepteri men saldaryn joiý úshin sharalar qabyldaýǵa mindetti ekenin atap ótý mańyzdy», - dep qorytyndylady departament direktory.
