Foto: pixabay.com
Memlekettik eńbek inspektsiiasy komitetiniń Almaty qalasy boiynsha departamenti QSR JShS-ne (Burger King) qatysty júrgizilgen jospardan tys tekserýdi aiaqtady, dep habarlaidy Ult.kz Eńbek jáne halyqty áleýmettik qorǵaý ministrligine silteme jasap.
Baspasóz qyzmetiniń málimetinshe, tekserý qyzmetkerdiń ótinishi negizinde júrgizilgen. Sonymen birge tekserý barysynda ótinish berýshiniń ýájderi tolyqtai rastalǵan.
Eńbek ministrligi jumys berýshi tarapynan eńbek zańnamasynyń talaptaryn júieli túrde saqtamaý faktileri anyqtalǵanyn jetkizgen. Atap aitqanda, jumyskerlerdiń kelisiminsiz jalaqydan zańsyz ustap qalý, jalaqyny júieli túrde keshiktirý, naqty jumys istegen ýaqytty esepke almaý jáne mereke ári demalys kúnderindegi eńbekaqyny joǵarylatylǵan mólsherde tóleý talaptaryn saqtamaý faktileri tirkeldi. Sonymen qatar aýysym kesteleri jumyskerlerge zańmen belgilengen merzimderdi buza otyryp jetkizilgen.
"Sondai-aq inspektorlar kompaniianyń jumyskerlerdi qajetti arnaiy kiimmen jáne jeke qorǵanysh quraldarymen qamtamasyz etpegenin, al personaldyń eńbekti qorǵaý boiynsha mindetti nusqamalardan ótpei-aq óz mindetterin oryndaýǵa jiberilgenin anyqtady. Tekserý qorytyndysy boiynsha QSR JShS-ne barlyq anyqtalǵan buzýshylyqtardy mindetti túrde joiý týraly nusqama berildi. Zańdy tulǵaǵa qatysty QR Ákimshilik quqyq buzýshylyq týraly kodeksiniń 87, 93 jáne 94-baptary boiynsha ákimshilik is qozǵaldy. Jaǵdai jumyskerlerdiń eńbek quqyqtary tolyq qalpyna keltirilip, berilgen nusqamadaǵy sharalar oryndalǵanǵa deiin memlekettik eńbek inspektorlarynyń baqylaýynda bolady", - delingen habarlamada.
