Qazaqstandaǵy áskeriler úshin modýldi úiler salý josparlanyp otyr. Bul týraly QR Qorǵanys ministriniń orynbasary Daryn Tuiaqov aitty, dep habarlaidy QazAqparat.
Aita keteiik, búgin Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine áskeri qyzmet jáne arnaýly memlekettik organdar qyzmetkerleri men áskeri qyzmetshilerdiń turǵyn úi qatynastary máseleleri boiynsha ózgerister men tolyqtyrýlar engizý týraly» zań jobasy maquldandy.
Qujat aiasynda modýldi turǵyn úi qurylysy eskerilgen.
«Birinshiden, modýldi turǵyn úiler paida bolady jáne olar tiisti standarttarǵa sáikes keledi. Osy nysandar qyzmettik baspana retindi beriledi, sondai-aq mobildi bolady. Mundai turǵyn úilerdi basqa jerge tasymaldaý múmkindigi jasalady. Qazirgi kezde turǵyn úi qurylysynda kóptegen jańa tehnologiialar shyǵyp jatqanyn bilesizder. Bul úiler tez salynatyn, tasymaldanatyn nysandar jáne olar úsh bólmeli baspana úshin qarastyrylǵan barsha normalarǵa sai bolady. Qajetti kommýnikatsiialarmen jasaqtalady», - dedi Tuiaqov Májilis ǵimaratynda tilshiler saýalyna jaýap bere otyryp.
Onyń aitýynsha, zań jobasynda qajettilikter aiasynda Qorǵanys ministrligi osyndai modýldi úilerdi áskeriler úshin satyp alýy múmkindigi eskerilgen.
«Áskeri qyzmetshilediń óziniń otbasymen birge bir óńirden basqa óńirge jinaqy ǵana qonys aýdaratyn jaǵdailar bolady», - dedi ministrdiń orynbasary.
