Qazaqstanda oqýshylardy onlain rejimde oqytý úshin Zoom internet-alańynyń balamasy jasala ma? Bul suraqqa Bilim jáne ǵylym ministri Ashat Aimaǵambetov jaýap berdi, dep habarlaidy QazAqparat.
«Jalpy bul baǵytta meniń ustanymym mynadai: memlekettiń esebinen internet-alań bolsyn, basqa da platforma bolsyn qurýǵa qarsymyn. Tájiribe kórsetip otyrǵandai, bul istiń arty jaqsy bolmaidy», - dedi Ashat Aimaǵambetov Bilim jáne ǵylym ministrliginiń onlain formattaǵy tilshilermen kezdesýinde.
Bilim jáne ǵylym ministri otandyq bilim berý júiesinde Ulttyq bilim berý derek qory baryn jetkizdi. Onyń ishinde jeke málimetter bar.
«Bul – basty ári memlekettik baza. Ol kezinde qurylǵan. Sony paidalanyp, damytamyz. Kundelik, Daryn online, Bilimland sekildi kóptegen júieni memlekettik júiemen aýystyrýdyń menińshe qajettigi joq. Men naryqqa kóbirek senemin. Básekelestik bolýy kerek», - dedi Ashat Aimaǵambetov.
