Jyl saiyn elimizde 1 myńǵa jýyq adam ata-ana quqyǵynan aiyrylady. Bul týraly QR Ishki ister ministrligi Ákimshilik politsiia komiteti basqarmasynyń basshysy Jasulan Baikenov aitty, dep habarlaidy QazAqparat.
«Otbasylyq-turmystyq qarym-qatynys salasynda jasalatyn quqyqbuzýshylyqqa qatysty júrgizilgen taldaý zorlyq-zombylyqtyń negizgi sebebi retinde áleýmettik problemalardy, onyń ishinde alkogoldik ishimdikke salynýdyń teris saldaryn kórsetti», - dedi J. Baikenov onlain brifingide.
Onyń aitýynsha, ishki ister organdarynyń ótinishhaty boiynsha meditsinalyq mekemelerge sot 3756 adamdy baǵyttady. Olar alkogoldik ishimdikke salynýdyń saldarynan psihikalyq ári minez-qulyqtyń buzylýyna qatysty esepke qoiylǵan.
«Sonymen qatar, jyl saiyn 1 myńǵa jýyq osyndai adam ata-ana quqyǵynan aiyrylady», - dedi basqarma basshysy.
