Qazirgi ýaqytta S1 sanatyndaǵy jumyrtqanyń kóterme baǵasy 370 teńgeden 320 teńgege tómendetildi, dep habarlaidy QazAqparat Básekelestikti qorǵaý agenttiginiń baspasóz qyzmetine silteme jasap.
Qazaqstannyń jumyrtqa óndirýshileri qaýymdastyǵy qus fabrikalary ýákiletti memlekettik organdarmen birlesip áleýmettik mańyzy bar azyq-túlik taýarlary baǵasynyń ósýine jol bermeý maqsatynda birqatar kezdesýler ótkizip, onyń barysynda otandyq taýyq jumyrtqasynyń baǵasyn tómendetý týraly kelisimge qol jetkizilgenin habarlaidy.
2021 jyldyń qarasha aiynda qus fabrikalarynda S1 sanatty jumyrtqanyń kóterme baǵasy on úshin 370 teńgege jetti. Qazirgi ýaqytta S1 sanatyndaǵy jumyrtqanyń kóterme baǵasy onyna 320 teńgege (bólshek oramdy qospaǵanda) tómendetildi. Qus fabrikalary jumyrtqany tómendetilgen baǵamen satýdy jeltoqsannyń birinshi onkúndiginde bastady jáne qazirgi ýaqytta bul baǵa Qazaqstannyń barlyq óńirlerinde qoldanysta.
Azyqtyq komponentterge (bidai, arpa, kúnbaǵys kúnjara jáne ósimdik maiy) baǵanyń 50-den 100% - ǵa deiin ósýine jáne jumyrtqanyń óndiristik ózindik qunynyń ósýine qaramastan, qus fabrikalary qus basyn ósirý esebinen ótkizý baǵasyn tómendetý boiynsha sharalar qabyldaidy. Qazirgi ýaqytta aýyl sharýashylyǵy ministrligi ónim qunyn arzandatý jáne el halqynyń ishki qajettiligin qamtamasyz etý maqsatynda otandyq qus fabrikalaryn qoldaý boiynsha birqatar sharalar ázirleýde.
