Foto: ashyq derekkóz
Sybailas jemqorlyqqa qarsy is-qimyl agenttigi tóraǵasynyń birinshi orynbasary Ulan Sarqulov elde sybailas jemqorlardyń arnaiy tizilimi jasalatynyn aitty, dep habarlaidy Ult.kz.
Májiliste "Qazaqstan Respýblikasynyń keibir zańnamalyq aktilerine sybailas jemqorlyqqa qarsy is-qimyl máseleleri boiynsha ózgerister men tolyqtyrýlar engizý týraly" zań jobasy qarastyrylýda.
Atalǵan zań jobasy aiasynda Qazaqstanda sybailas jemqorlyq derekteriniń ashyq tizilimin engizý josparlanyp otyr.
"Bul – profilaktikalyq qural. Onyń basty maqsaty – qoǵam aldynda aiyptaý arqyly el arasynda sybailas jemqorlyqqa tózbeý qasietin qalyptastyrý. Tizilimge aýyr jáne asa aýyr sybailas jemqorlyq qylmystar jasaǵany úshin sottalǵandar týraly málimetter engiziledi. Zańdy kúshine engen aiyptaý úkimi adamdardy tizilimge engizý úshin negiz bolady", – dep túsindirdi Sarqulov otyrys barysynda.
Habarlanǵandai, tizilimnen shyǵarý zańdy kúshine engen aqtaý úkimi men sottylyqty óteý negizinde múmkin bolady.
