Foto: QR Densaýmin
Almatynyń Perinatologiia jáne balalar kardiohirýrgiiasy ortalyǵynda elimizdegi alǵashqy emshek sútiniń jeke banki iske qosyldy, dep habarlaidy Ult.kz.
Bul erekshe áleýmettik joba QR Densaýlyq saqtaý ministrliginiń bastamasymen jáne AYALA qaiyrymdylyq qorynyń qoldaýymen júzege asyrylýda. Onyń negizgi maqsaty – tabiǵi tamaqtanýdy tikelei anasynan ala almaityn shala týǵan jáne erekshe kútimdi qajet etetin nárestelerdiń ómirin saqtap qalýǵa baǵyttalǵan.
Emshek sútiniń jeke banki jańa týǵan nárestelerdi qarqyndy terapiia kezinde qoldaý úshin taptyrmas resýrs bolmaq. Bul ásirese qiyn bosanǵannan keiin anasynan bólinýge májbúr bolǵan sábiler úshin óte mańyzdy.
Banktiń artyqshylyqtary:
-
Nárestelerdi qundy tabiǵi tamaqpen qamtamasyz etý.
-
Laktatsiiany saqtaý jáne analardaǵy stresti azaitý.
-
Balamen bailanys ornatýǵa yqpal etý.
Emshek súti arnaiy sterildi ydystarda saýyn meiirgerleriniń baqylaýymen alynady. Odan keiin sút tómen temperatýrada muzdatylyp nemese salqyndatylyp saqtalady. Bul protsess barlyq sanitariialyq-gigienalyq talaptarǵa sai júrgiziledi.
Densaýlyq saqtaý ministrligi aldaǵy ýaqytta osyndai bankterdi elimizdiń barlyq 3-deńgeili perinataldyq ortalyqtarynda ashýdy josparlap otyr.
Bul bastama Dúniejúzilik densaýlyq saqtaý uiymynyń «Salamatty ómirdiń bastalýy – berekeli bolashaqtyń kepili» uranymen ótkiziletin is-sharalar sheńberinde júzege asyrylyp otyr. Emshek súti jańa týǵan náresteler úshin eń ońtaily qorektený kózi bolyp sanalady jáne onyń biregei quramy balanyń immýnitetin nyǵaityp, densaýlyǵyn uzaq merzimge saqtaýǵa kómektesedi.
