Jalaqyny volonterlikpen turaqty túrde ainalysatyndar ǵana ala alady. Bul týraly Ortalyq kommýnikatsiialar qyzmetinde ótken onlain-brifingte aityldy, dep habarlaidy QazAqparat.
«Bizdiń qozǵalystyń aýqymy – keń, múshesi de – kóp. Biz memlekettik áleýmettik tapsyrystarǵa qatysamyz, ol - memlekettiń volonterlerdi qoldaýy, al jaýapkershilikti biz óz moinymyzǵa alamyz. Qatardaǵy volonterler bul týraly biledi, sebebi bul da - olar úshin úlken motivatsiia. Uiym ishinde olar basqarýǵa qatysty úlken tájiribe jinap, jobalar jasaidy. Odan keiin baryp jalaqy alatyndardyń qataryna ene alady. Negizinde memlekettik tapsyrys – qomaqty qarajat emes. 2013 jyldan beri biz qozǵalys retinde jumys istep kelemiz. 2016 jyly ǵana memlekettik tapsyrysqa qatysyp, «Volonterlik korpýs» jobasyna 6 million teńge bólindi. Osy joba aiasynda 150 usaq shara júzege asyryldy. Osy 6 million teńgeniń 30%-y jalaqyǵa ketedi. Ony 12 aiǵa bólseń, kóp aqsha emes. 2017 jyly biýdjetten 20 million teńge bólindi. 150 adam trening, sonyń ishinde bilim berý sipatynda trening ótkizdi. Biz óz qarajatymyzdy salatyn jobalar da bar», - deidi Qazaqstan volonterleri ligasynyń tóraiymy Aisulý Erniiazova.
Onyń aitýynsha, jalaqyny turaqty túrde volonterlikpen ainalysatyndar ala alady.
«Shamamen 5 adam azdaǵan jalaqy ala alady. Ol memlekettik tapsyrystan túsetin qarjynyń 30%-y. Jalaqyny tek volonterlikpen ainalysatyn adamdar ǵana alady, óitkeni volonterler – tek qana volonterlikpen ainalysatyn kásibi mamandar», - deidi ol.
