Foto: Egemen.kz
Qazaqstanda aýyl týrizmin damytýǵa baǵyttalǵan «Úzdik týristik aýyl – 2026» respýblikalyq baiqaýyna ótinim qabyldaý bastaldy, dep habarlaidy Ult.kz Ulttyq týristik kompaniiasynyń málimetine silteme jasap.
Baiqaýdy Kazakh Tourism uiymdastyryp otyr. Joba turaqty týrizmdi damytýǵa, mádeni mura men ulttyq dástúrlerdi saqtaýǵa, sondai-aq aýyldyq aimaqtardyń ekonomikalyq áleýetin arttyrýǵa baǵyttalǵan.
Ótinim qabyldaý merzimi
Baiqaýǵa qatysýǵa ótinimder 2026 jyldyń 10 sáýirine deiin qabyldanady.
Erejege sáikes, ár oblystyń ákimdigi óńirden úsh aýylǵa deiin usyna alady.
Qatysýshylardy kim baǵalaidy
Baiqaýǵa usynylǵan aýyldardy týrizm salasyndaǵy mamandardan quralǵan táýelsiz sarapshylar keńesi baǵalaidy. Sarapshylar aýyldardyń týristik áleýetin, infraqurylymyn, mádeni ereksheligin jáne turaqty týrizm qaǵidattaryna sáikestigin eskeredi.
Byltyr qai aýyldar jeńimpaz boldy
Aita keteiik, 2025 jyly «Úzdik týristik aýyl» ataǵyna birneshe eldi meken ie bolǵan. Olardyń qatarynda:
Lepsi (Jetisý oblysy)
Naǵi Iliiasov (Qyzylorda oblysy)
Han Ordasy (Batys Qazaqstan oblysy)
Poperechnoe (Shyǵys Qazaqstan oblysy)
Shabanbai bi (Qaraǵandy oblysy)
Uiymdastyrýshylardyń aitýynsha, baiqaý aýyl týrizmin damytýǵa serpin berip, jergilikti turǵyndardyń tabysyn arttyrýǵa jáne óńirlerdiń týristik tartymdylyǵyn kúsheitýge múmkindik beredi.
