Qazaqstanda «Úzdik aýyl ákimi» respýblikalyq baiqaýy bastaý aldy. Bul týraly QR Memlekettik qyzmet isteri agenttiginiń Facebook paraqshasynan málim boldy, dep habarlaidy QazAqparat.
«Memleket Basshysy Qasym-Jomart Toqaev óziniń Qazaqstan halqyna Joldaýynda «Halyq únine qulaq asatyn memleket» tujyrymdamasy barlyq azamattardyń ótinishterine jedel jáne tiimdi áreket etýge baǵyttalýy tiis ekenin atap ótti.
Aýyl ákimi halyqpen tikelei ózara is-qimylda bolady jáne bailanysty ornata alý qabileti, turǵyndardyń ózekti máseleleri boiynsha der kezinde sheshim qabyldai bilýi onyń qyzmetiniń basty baǵyty bolyp tabylady.
Jergilikti deńgeide ákim memlekettik saiasatty júrgizýshi jáne onyń is-áreketi boiynsha halyq arasynda jalpy memlekettik basqarýdyń tiimdiligine qatysty kózqarasy qalyptastady»,-delingen habarlamada.
Memlekettik qyzmet isteri agenttigi «Rýhani Jańǵyrý» baǵdarlamasy aiasynda jergilikti ózin-ózi basqarýdy damytýǵa jáne jergilikti mańyzy bar máselelerdi tiimdi sheshýge úles qosqan, jumysta joǵary praktikalyq nátijelerge jetken úzdik aýyl ákimderin anyqtaýǵa jáne kótermeleýge baǵyttalǵan «Úzdik aýyl ákimi» respýblikalyq konkýrsyn jariialaidy.
Baiqaý 25 mamyrda bastalyp, eki negizgi kezeńde ótedi:
I kezeń-óńirlik deńgei (oblystyq deńgei);
II kezeń-respýblikalyq deńgei.
Baiqaý nátijeleri 2020 jyldyń qyrkúiek aiynda belgili bolady. Konkýrs ótkizý barysynda halyqtyń pikiri eskeriledi.
Aǵymdaǵy jyldyń maýsym aiynan bastap oblys ákimdikteriniń resmi saittarynda jergilikti ákimniń tiimdi jumys isteýine halyqtyń qanaǵattanýyn baǵalaý úshin saýalnama ornalastyrylatyn bolady.
Saýalnamaǵa azamattardyń quqyqtary men zańdy múddelerin qorǵaý, memlekettik qyzmetter kórsetý boiynsha qabyldanǵan sharalardyń tiimdiligi, kópbalaly jáne az qamtamasyz etilgen otbasylarǵa, halyqtyń áleýmettik osal toptaryna kómek jáne qoldaý kórsetý, halyqty jumyspen qamtý men jumysqa ornalastyrýǵa járdemdesý, jergilikti áleýmettik infraqurylymdy damytý, jergilikti qoǵamdastyqpen ózara is-qimyl jáne t. b. siiaqty birqatar baǵalaý kriteriii kiredi.
Sonymen qatar, árbir óńirdiń Ádep jónindegi ýákilderi úmitkerlerdiń memlekettik qyzmetshilerdiń ádep normalaryn saqtaýy máseleleri boiynsha anonimdik saýalnama júrgizetin bolady.
Saýalnama nátijeleri konkýrstyq komissiianyń árbir aýyl ákimin obektivti baǵalaýǵa múmkindik beredi.
Konkýrs ótkizý erejesi týraly tolyq aqparat Memlekettik qyzmet isteri agenttiginiń www.gov.kz saitynda jáne oblys ákimdikteriniń resmi saitynda ornalastyrylǵan.
