9-31 tamyz aralyǵynda Almaty men Nur-Sultan áýejailarynda kámeletke tolǵan jolaýshylardyń salmaǵyn erikti túrde ólsheý sharasy qolǵan alynady, dep habarlaidy "Ult aqparat".
Ushaqqa miner aldynda salmaq ólsheý halyqaralyq áýe kóligi qaýymdastyǵynyń (IATA) erejelerinde kózdelgen. Qazaqstan áýejailary da osy tájiribeni qolǵa alyp otyr. Bul shara bir jaǵynan ushý qaýipsizdigin arttyrý úshin, ekinshi jaǵynan statistikalyq derekterdi jinaý úshin qajet.
«2021 jylǵy 9-31 tamyz aralyǵynda Almaty jáne Nur-Sultan áýejailarynan ishki jáne halyqaralyq reistermen ushatyn 18 jastan asqan jolaýshylarǵa erikti salmaq ólsheý usynylady. Protsedýra bes jylda bir ret júrgiziledi», - dep habarlady Air Astana.
Áýe kompaniiasy salmaq ólsheýdiń bilet qunyna esh áser etpeitinin málimdep otyr.
