QR Ulttyq ekonomika ministri Áset Erǵaliev qurylys salasy qarqyndy damyǵan óńirlerdi atady, dep habarlaidy QazAqparat.
«Qurylys salasy joǵary qarqyndy ósimdi kórsetti. Atqarylǵan qurylys jumystarynyń kólemi 11,3%-ǵa ulǵaidy. Batys Qazaqstan oblysyn qospaǵanda, barlyq óńirde oń kórsetkish tirkeldi. Qurylys-montajdaý jumystarynyń jaqsy ósimi Túrkistan, Qyzylorda jáne Qostanai oblystarynda jáne Almaty qalasynda baiqalady», - dedi Ulttyq ekonomika ministri búgingi Úkimet otyrysynda.
Onyń aitýynsha, turǵyn úi qurylysy belsendi júrgizilýde. Biylǵy qańtar-sáýir qorytyndysy boiynsha 4,6 mln sharshy metr turǵyn úi paidalanýǵa berilgen. Bul ótken jyldyń sáikes kezeńimen salystyrǵanda 12,5%-ǵa joǵary. Osyǵan bailanysty barlyq óńir oń ósim kórsetti. Eń joǵary kórsetkish Shymkent qalasynda, Atyraý jáne Pavlodar oblystarynda baiqalady.
