Qazaqstanda týragenttikter sany qysqarýy múmkin. Bul týraly QR Týristik qaýymdastyǵynyń direktory Rashida Shaikenova onlain brifing barysynda aitty, dep habarlaidy "Ult aqparat".
«Týrizm naryǵy 100 paiyz toqtap tur. Ol qańtar aiynyń ekinshi jartysynan bastap jumys istemeidi, óitkeni koronavirýs infektsiiasy osy kezden bastap taraldy, karantindik sharalar engizildi, reister jabyldy jáne t.b. Týrizm salasy qarajatty 100% joǵaltty dep aita alamyz. Sondyqtan týrizm naryǵy qiyn jaǵdaiǵa tap bolyp otyr»,– dedi Rashida Shaikenova.
Onyń aitýynsha, eldegi týragenttikter sany qysqarýy ábden múmkin.
«Týristik indýstriianyń eń sezimtal bóligi – týragenttikter. Úlken qysymǵa ushyraǵan da osy kompaniialar. Bizdiń oiymyzsha, olar jabylyp, sany qysqarady. Óitkeni jaǵdai kúrdeli», - dep qosty ol.
