Foto: pixabay.com
Senator Gennadii Shipovskih TikTok-taǵy kontent adam ómirine qaýipti ekenin aityp, ony buǵattaýdy usynǵan bolatyn. Premer-ministr Oljas Bektenov bul máselege qatysty Úkimettiń ustanymyn aitty, dep habarlaidy «Ult aqparat» Baq.kz-ke silteme jasap.
Jas paidalanýshylardy ziiandy kontentten qorǵaý maqsatynda platforma tirkelý formasyn ázirledi. Onda tolyq týǵan kúnin kórsetý qajet, óitkeni TikTok 13 jasqa tolmaǵan paidalanýshylarǵa arnalmaǵan. Platforma avtomatty túrde jáne qolmen moderatsiialaýdy qoldana otyryp, kórsetilgen kontentti anyqtaý jáne shekteý úshin algoritm ázirledi, - delingen resmi jaýapta.
Avtomatty moderatsiia bekitilgen biryńǵai erejelerdi kontenttiń belgili bir túrlerin tanidy jáne jedel sharalar qabyldaýǵa múmkindik beredi.
Kontentti moderatsiialaýdyń ekinshi ádisi TikTok paidalanýshylardan «shaǵymdaný» fýnktsiiasyna sáikes túsetin shaǵymdarǵa negizdelgen.
Akkaýnt ieleri 13 jasqa tolmasa, onda joiylǵan eseptik jazbalardy joiyp, olardyń sanyn kópshilikke jariia etken alǵashqy iri platforma TikTok boldy. 2024 jyldyń qańtar-tamyz ailary aralyǵynda TikTok 13 jasqa tolmaǵan paidalanýshylarǵa tiesili Qazaqstandaǵy 1 239 635 eseptik jazbany joidy, al ótken jyly olardyń sany 1 842 467 eseptik jazba boldy, - dedi Oljas Bektenov.
TikTok qosymshasy 12+ reitingine ie, bul ata-analarǵa mobildi qurylǵydaǵy ata-ana baqylaýy quraldary arqyly balanyń qosymshany júkteýine jol bermeidi.
13 jasqa tolǵan jasóspirimderdiń ata-analary úshin TikTok sonymen qatar balalardyń onlain ómirine belsendi qatysýǵa múmkindik beretin ata-ana baqylaýy quraldaryn usynady. «Otbasy parametrleri» arqyly ata-ana parametrlerdi basqarý úshin óz eseptik jazbasyn jasóspirimniń eseptik jazbasymen bailanystyra alady. Mysaly, ekran ýaqytyn shekteý, eseptik jazbanyń qupiialylyq parametrleri, jeke habarlama parametrleri jáne t.b.
Ýákiletti organ quqyq qorǵaý organdarymen jáne arnaýly memlekettik organdarmen birlesip, zańsyz kontentti tabý jáne joiý algoritmin jaqsartý maqsatynda turaqty negizde TikTok ókilderimen jumys keńesterin ótkizedi. Nátijesi boiynsha moderatsiia múmkindikterin arttyrý úshin jańa tehnologiialardy engizý boiynsha usynystar ázirleý júzege asyrylyp keledi, - delingen Úkimet basshysynyń depýtattarǵa bergen resmi jaýabynda.
Buǵan deiin depýtattar TikTok-ty shekteýdi nemese jaýyp tastaýdy usynǵan edi.
