Qazaqstanda 2020 jyldyń sáýir aiynyń qorytyndysy boiynsha bir ai ishinde temeki ónimderiniń baǵasy 0,7%-ǵa, jylyna 12%-ǵa qymbattady, dep habarlaidy "Ult aqparat" ranking.kz resýrsyna silteme jasap.
Filtrli temekilerdiń de baǵasy ósken. Ósý qarqyndylyǵy, ásirese, Shyǵys Qazaqstan (3,2%-ǵa), Pavlodar (2,5%) jáne Jambyl oblystarynda (2,1%-ǵa) baiqalǵan.
Aita ketsek, Qazaqstanda shylym shegýge qarsy kúres júrip jatyr. Májilis «Halyq densaýlyǵy men densaýlyq saqtaý júiesi» Kodeksine ózgeris engizý týraly usynysty ekinshi oqylymda maquldady. Temeki ónimderin satýǵa bolatyn jas 18-den 21-ge kóterildi.
Filtrli temekiniń bir qoraby QR qalalarynda 2020 jyldyń sáýiriniń sońynda shamamen 465 teńge bolǵan, bul 2019 jyldyń sáýirimen salystyrǵanda 12,4%-ǵa qymbat.
Sáýirde filtrli temeki, ásirese, Semeide qymbattaǵan: 6%-ǵa, bir qoraby 478 teńge. Odan keiingi orynda Pavlodar (2,7%-ǵa, 454 teńgege deiin) men Taraz (2,4%-ǵa, 471 teńgege deiin) tur.
QR iri qalalary men megapolisterinde filtrli temekiniń eń joǵary baǵasy Qostanaida (490 tg), Aqtóbede (488 tg) jáne Nur-Sultanda (485 tg) tirkeldi; eń tómengi baǵa Petropavl (439 tg), Qyzylorda (444 tg) jáne Almatyda (447 tg).
