Foto: pixabay.com
2025 jyldyń qańtar-jeltoqsanynda qazaqstandyq taksi júrgizýshiler 174,5 mln jolaýshyny tasymaldady. Bul ótken jylmen salystyrǵanda 2,4 ese jáne 2023 jylǵy qańtar-jeltoqsanmen salystyrǵanda 3,5 ese kóp, dep habarlady Energyprom.kz.
Biyl qańtarda 22,9 million adam tasymaldandy. Bul 2025 jyldyń qańtarynan 2,1 ese kóp.
"Ótken jyldyń qańtar-jeltoqsan ailarynda barlyq 174,5 mln jolaýshynyń 60,7 milliony Almaty men Astanada, iaǵni jalpy jolaýshylar aǵynynyń úshten birinen astamy tasymaldandy. Kóshbasshy – Almaty", - dep jazylǵan habarlamada.
Taksi qyzmetin eń az tutynǵan – Ulytaý oblysy, sosyn Soltústik jáne Shyǵys Qazaqstan oblystary.
2025 jylǵy qańtar-jeltoqsanda búkil Qazaqstan boiynsha taksi kásiporyndarynyń jiyntyq tabysy 186,1 mlrd teńgeni qurady. Onyń jartysyna jýyǵy Almaty men Astanaǵa tiesili.
Byltyr taksi qyzmetiniń quny kóterilgen. Bir jylda baǵa 17%-ke ósti. Ásirese Túrkistan oblysynda taksi quny edáýir qymbattaǵan. Odan keiin Aqmola jáne Jetisý oblystary tur.
