Qazaqstanda taǵy 2080 adamnyń koronavirýs testi oń shyqty.
Seisenbi kúni Almatyda – 620, Nur-Sultanda – 372, Almaty oblysynda – 280, Qaraǵandy oblysynda – 144, Aqtóbe oblysynda – 121, Atyraý oblysynda 102 naýqas tirkeldi.
Batys Qazaqstan oblysynda – 98, Aqmola oblysynda – 73, Shymkent qalasynda – 72, Shyǵys Qazaqstan oblysynda – 39, Qostanai oblysynda – 34, Jambyl oblysynda – 31, Qyzylorda jáne Pavlodar oblystarynda árqaisynda – 25, Soltústik Qazaqstan oblysynda – 20, Túrkistan oblysynda – 13, Mańǵystaý oblysynda 11 adamnan koronavirýs anyqtalǵan.
Densaýlyq saqtaý ministrliginiń málimetinshe, 5 sáýirde 116 adamǵa koronavirýs pnevmoniiasy diagnozy qoiylǵan. Dúisenbi kúni 31 adam ólimi tirkelgen. 27 adam – koronavirýstan, 4 adam koronavirýs pnevmoniiasynan qaitys boldy dep aitylady.
7 sáýirdegi málimet boiynsha, 28 624 adam koronovirýs infektsiiasynan (27 672 KVI+ jáne 952 KVI-) emdelip jatyr. Olardyń ishinde 10 477 patsient - statsionarda, 18 147 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 474 adamnyń jaǵdaiy aýyr;
• 148 patsienttiń jaǵdaiy óte aýyr;
• 79 naýqas ÓJJ apparatynda jatyr.
Biliktiń málimetinshe, indet bastalǵaly beri 258 917 adamnyń koronavirýs testi oń shyqqan. 2020 jyldyń 1 tamyzynan beri 50 955 adam koronavirýs pnevmoniiasyna shaldyqqan, 713 adam ólimi tirkelgen.
Densaýlyq saqtaý ministrligi koronavirýs pen koronavirýs pnevmoniiasyna shaldyqqandardy bólek eseptep keledi. Byltyr maýsym men shilde ailarynda indet ýshyǵyp, ókpe aýrýyna shaldyqqandar kóbeigen shaqta ministrlik koronavirýs pnevmoniiasy men pnevmoniiaǵa shaldyqqandardy ajyratýdyń qiyndyǵyn alǵa tartqan. Tek tamyzdan bastap koronavirýs pnevmoniiasyna jeke kod berilip, jalpy pnevmoniiadan bólek esepke alyna bastady.
Byltyrdan beri 3156 adam koronavirýstan qaitys boldy dep aitylady.
Koronavirýsqa shaldyqqan, biraq arnaiy komissiia "basqa aýrýdan qaitys boldy" delingen myńǵa jýyq adam ólimi Covid statistikasyna engizilmegen.
