Qazaqstanda sońǵy 2 aida koronavirýs jaǵdailary 3,4 ese tómendedi. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat.
«Qazaqstanda 12 qazanda COVID-19-ǵa oń nátijemen 954 146 naýqas jáne KVI-ǵa teris nátijemen 80 905 jaǵdai tirkeldi. KVI-men aýyratyn naýqastardyń shamamen 95 paiyzy saýyǵyp shyqty. Onyń ishinde 910 myń KVI+ naýqas jáne 80 myń KVI- naýqas bar. Epidemiologiialyq jaǵdai matritsasyna sáikes Qazaqstan Respýblikasy jasyl aimaqqa aýysty. Sondai-aq jasyl aimaqta 9 óńir bar», - dedi ministr Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, ortasha táýekel aimaǵynda (sary aimaq) 6 óńir, joǵary táýekel aimaǵynda (qyzyl aimaq) eldiń 2 óńiri qalyp otyr.
«Qazirgi ýaqytta koronavirýstyq infektsiia boiynsha epidemiologiialyq jaǵdaidy turaqtandyrýǵa qol jetkizildi. Táýligine 1 500 jaǵdai tirkeledi. Sońǵy eki aida aýrý 3,4 ese tómendedi. Bul infektsiianyń taralýyna da áser etti. 1 tamyzben salystyrǵanda reprodýktivti san 1,11-den 0,92-ǵa deiin 1,2 ese tómendedi. Infektsiialyq tósekterdiń qamtylýy 30 paiyzǵa deiin, reanimatsiialyq tósekterdiń qamtylýy 26 paiyzǵa deiin qysqardy», - dedi Aleksei Tsoi.
