Foto: med.mcfr.kz
Ishki ister ministrligi Qazaqstanda psihotroptyq preparattardy qoldanýǵa arnaiy kvotalar belgilengenin málimdedi, dep habarlaidy Ult.kz KTK telearnasyna silteme jasap.
Málimetterge sensek, daiyndaǵan "Qazaqstan Respýblikasynyń 2025 jylǵa arnalǵan esirtki quraldary, psihotroptyq zattar men prekýrsorlarǵa arnalǵan memlekettik kvotany bekitý týraly" úkimet qaýlysynda aitylǵan.
Esirtki jáne psihotroptyq zattarǵa arnalǵan kvotalar kelesi maqsattar úshin belgilengen:
- meditsinalyq maqsatta;
- ǵylymi-zertteý jáne oqý maqsattarynda;
- óndiristik maqsatta.
Shekteý qoiylǵan zattardyń qataryna geroin, kodein, kokain, metadon, morfin, oksikodon, promedol, fentanil jáne basqa da zattar kiredi.
"Kvota engizý 2025 jyly meditsinalyq uiymdar men otandyq óndiris kásiporyndaryn esirtkilik jáne psihotroptyq zattarmen tolyq qamtamasyz etýge múmkindik beredi", – delingen qujatta.
Qujat "Ashyq NQA" portalynda jariialanyp, ony 28 aqpanǵa deiin qoǵamdyq talqylaý jalǵasady.
Eske salaiyq, buǵan deiin Qazaqstanda esirtki óndiretinderge beriletin jaza qatańdatylatynyn jazǵan edik. Zań esirtki óndirisi úshin ǵana emes, osy qylmystyq áreket úshin laýazymdy adamdardyń da jaýapkershiligin edáýir qatańdatty. Endi bul qylmysqa qatysy bar tulǵalardy múlkin tárkilep, 15 jyldan 20 jylǵa deiin nemese ómir boiy bas bostandyǵynan aiyrýy múmkin.
