Qazaqstannyń bas memlekettik sanitar dárigeri Comirnaty (Pfizer) preparatymen vaktsinalaý erejesi ózgeris engizdi. Ekpe saldyratyndardyń qataryna Qazaqstanda turatyn sheteldik jasóspirimder de qosyldy, dep habarlaidy Sputnik Qazaqstan.
Osylaisha koronavirýsqa qarsy Pfizer vaktsinasyn saldyratyndardyń qatary kóbeidi.
Olar:
1. 12 jastaǵy jáne odan eresek jasóspirimder;
2. júkti áielder – júktiliktiń 16-37 aptasy aralyǵynda;
3. bala emizetin áielder – bala týý kezeńi aiaqtalǵannan keiin (42 kún ótken soń);
4. 12-18 jastaǵy sheteldik jasóspirimder.
"Sondai-aq, Qazaqstan aýmaǵynda úsh ai jáne odan kóp ýaqyt úzdiksiz oqityn jáne turatyn sheteldik stýdentter de koronavirýstyq infektsiiaǵa qarsy vaktsinalaýǵa jatady", - delingen qaýlyda.
Al vaktsinalaýdyń aldynda adamnyń koronavirýsty infektsiia juqtyrǵanyn jáne koronavirýsqa qarsy antideneler bar-joǵyn anyqtaý júrgizilmeidi.
