QR Densaýlyq saqtaý ministri Aleksei Tsoi elimizde Pfizer vaktsinasynyń qansha dozasy bar ekenin aitty, dep habarlaidy QazAqparat.
«Qazaqstanǵa 379 myń doza mólsherinde Somirnaty (Pfizer) vaktsinasynyń birinshi partiiasy kelip tústi. Ekinshi partiiany jetkizý 20 qarashaǵa deiin josparlanǵan. Vaktsinatsiia respýblikanyń 7 óńirinde bastaldy. Olar Jambyl, Qaraǵandy, Qyzylorda, Túrkistan, Almaty, Nur-sultan, Shymkent qalalary.
Búgingi kúni 13 bala men 247 júkti jáne bala emizetin áiel ekpe aldy», - dedi ministr Úkimet otyrysynda.
Sondai-aq, vedomstvo basshysy Pfizer vaktsinasyn alǵysy keletin halyqtyń suranysyn qanaǵattandyrý úshin aqyly naryqqa jetkizýdi usyndy.
«QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń tapsyrmasy boiynsha QR Úkimetine COVID-19-ge qarsy Comirnaty (Pfizer) vaktsinasyn halyq qalaýy boiynsha kommertsiialyq naryq segmentine shyǵarý usynyldy. Qoldaýlaryńyzdy suraimyn», - dedi Aleksei Tsoi.
