Foto: Pexels.com
28 sáýirde Dúniejúzilik eńbekti qorǵaý kúni atap ótiledi. Bul kún jumyskerlerdiń quqyqtaryn qorǵaý jáne eńbek qaýipsizdigin arttyrý máselelerine nazar aýdarý maqsatynda belgilengen, dep habarlaidy Ult.kz.
Eńbek ministrliginiń málimetinshe, Qazaqstanda óndiristik jaraqattaný deńgeiin tómendetý boiynsha josparly jumystardyń nátijesinde sońǵy 5 jylda zardap shekkenderdiń sany 6,3%-ǵa, qaza tapqandar sany 2,9%-ǵa azaidy.
2024 jyly 679 myń jumysker ziiandy eńbek jaǵdailary úshin ótemaqy aldy. Jumys berýshiler bul maqsatqa 297,4 mlrd teńge bólgen. Sonymen qatar, el boiynsha 7,7 myńnan astam óndiristik obektiler attestattaýdan ótti, al 3262 kásiporyn eńbek qaýipsizdigi standarttaryn engizdi.
«Vision Zero» tujyrymdamasy aiasynda 605 kásiporyn óndiristik jaraqattaný deńgeiin nólge deiin tómendetýge baǵyttalǵan sharalardy qabyldady. 2024 jylǵy qańtardan bastap ziiandy eńbek jaǵdailarynda jumys istegenderge arnaýly áleýmettik tólemder taǵaiyndaldy.
Eńbekti qorǵaý salasyndaǵy innovatsiialardy talqylaý úshin 2025 jyldyń 28-30 mamyrynda Eńbekti qorǵaý jáne ónerkásiptik qaýipsizdik jónindegi halyqaralyq konferentsiia ótedi.
Qazaqstannyń 2030 jylǵa deiingi qaýipsiz eńbek tujyrymdamasy aiasynda tsifrlyq eńbek táýekelderiniń kartasy iske qosylyp, qaýipsizdik deńgeiin naqty ýaqyt rejiminde baqylaýǵa múmkindik berýde.
