2020 jylǵy qańtar-sáýir ailary aralyǵynda respýblikanyń kásiporyndarynda 365 jazataiym oqiǵa tirkeldi. Onyń saldarynda 413 adam jaraqat aldy, bul 2019 jyldyń sáikes kezeńinen 5,7 paiyzǵa tómen, dep habarlaidy "Ult aqparat".
«Ekonomika salalary boiynsha eń kóp zardap shekkender taý-ken metallýrgiia kesheni kásiporyndarynda - 77 nemese 22,5 paiyz, sondai-aq qurylys indýstriiasynda - 33 nemese 9,6 paiyz deńgeiinde baiqalǵan. Óndiristik jaraqattanýdyń joǵary deńgeii Qaraǵandy (73 adam jaraqat alǵan), Shyǵys Qazaqstan (40 adam), Qostanai (35 adam), Aqtóbe oblystarynda (25 adam) jáne Almaty qalasynda (14 adam) saqtalyp otyr», - delingen Eńbek jáne halyqty áleýmettik qorǵaý ministrligi málimetinde.
Eńbekti qorǵaý salasynda jii kezdesetin ereje buzýshylyqtar qaýipsiz eńbek jaǵdailaryn qamtamasyz etpeý, qyzmetkerlerge oqytý men nusqaý berý ótkizbeý, jeke jáne ujymdyq qorǵanys quraldarymen, arnaiy kiimmen qamtamasyz etpeýge qatysty.
