Foto: Gov.kz
2025 jylǵy qańtar-jeltoqsan aralyǵynda Qazaqstanda 415,7 myń tonna as tuzy óndirildi, bul 2024 jyldyń sáikes kezeńimen salystyrǵanda 11,3% kóp, dep habarlaidy Ult.kz.
Ulttyq statistika biýrosynyń málimetinshe, importtalǵan tuz kólemi de ósken, 2025 jyly elimizge 36,2 myń tonna tuz ákelindi, bul 2024 jylmen salystyrǵanda 13,1% artyq.
Eksportqa keletin bolsaq, esepti kezeńde Qazaqstan 251 myń tonna tuz eksporttaǵan, bul 2024 jyldyń sáikes kezeńimen salystyrǵanda 9,7% az.
Qazaqstandyq tuzdy importtaityn negizgi elderge Resei, Qyrǵyzstan, Ózbekstan, Ázerbaijan, sondai-aq Qytai, Grýziia, Latviia jáne Germaniia kiredi.
2025 jyldyń 12 aiynyń qorytyndysy boiynsha ishki naryqta 200,8 myń tonna as tuzy satyldy.
Respýblika boiynsha tuzdyń ortasha baǵasy 1 kelisine 90 teńgeni quraidy. Eń tómengi ortasha baǵa Qyzylordada tirkeldi – 65 teńge/kg, al eń joǵary baǵa Almaty qalasynda, munda 1 kg ónimniń ortasha baǵasy 112 teńge (2026 jylǵy qańtardaǵy jaǵdai boiynsha).
