Elordanyń bas memlekettik sanitarlyq dárigeri Sarhat Beisenova elordada koronavirýspen aýyrǵandardyń statistikasyn jariialady, dep habarlaidy QazAqparat.
«DDSU koronavirýs infektsiiasynyń jańa shtamy omikrondy tirkedi jáne ony alańdaýshylyq týdyratyn nusqa retinde tanydy. Omikron qatarynan 32 mýtatsiiadan turady jáne deltaǵa qaraǵanda anaǵurlym juqpaly», - dedi Sarhat Beisenova ákimdikte ótken brifingte.
Onyń aitýynsha, jańa shtamdy respýblika aýmaǵyna engizbeý maqsatynda vedomstvoaralyq komissiia biylǵy 3 jeltoqsannan bastap mynadai sharalar qabyldady:
- Qazaqstanǵa 11 elden (Botsvana, OAR, Lesoto, Namibiia, Zimbabve, Mozambik, Madagaskar, Esvatini, Tanzaniia, Malavi jáne Gonkong) shetel azamattarynyń kirýi shekteldi.
- Omikron shtamynan týyndaǵan KVI jaǵdailary anyqtalǵan elden kelgen adamdar: Izrail, Chehiia, Niderlandy, Belgiia, Ulybritaniia, Italiia, Germaniia, Avstraliia, Kanada jáne Egipet vaktsinalanǵanyna qaramastan mindetti túrde 72 saǵattan keshiktirmei PTR testileýden ótedi.
- odan bólek, «omikron» týdyrǵan KVI jaǵdailary anyqtalǵan elderden kelgen adamdar PTR-testiniń nátijesine qaramastan 7 kún merzimge úi karantinine jiberiledi.
