Foto: ashyq derekkóz
Qazaqstanda álemge áigili New York Film Academy (NYFA) filialy óz jumysyn bastady. Bul – AQSh-tan tys jerde ashylǵan úshinshi kampýs jáne Qazaqstandaǵy alǵashqy álemdik deńgeidegi shyǵarmashylyq ýniversitet, dep habarlaidy Ult.kz.
Akademiianyń ashylýy týraly kelisimge qol qoiý rásimi 1 naýryzda QR Ǵylym jáne joǵary bilim ministri Saiasat Nurbek pen NYFA prezidenti Maikl Iangtyń qatysýymen ótti.
Almaty mańyndaǵy Qaskeleń qalasynda ornalasqan Energo University-diń Kreativti indýstriialar parki aýmaǵyndaǵy zamanaýi kampýs 2025 jyldyń 29 qyrkúieginde alǵashqy stýdentterin qabyldaidy.
NYFA filialy bes negizgi baǵyt boiynsha oqytýdy bastaidy:
- Kino (Filmmaking)
- Prodiýserlik etý (Producing)
- Stsenarii jazý (Screenwriting)
- Animatsiia jáne vizýaldy áserler (3D Animation & VFX)
- Oiyn ázirleý (Game Design)
Sabaqtardy AQSh-tan arnaiy shaqyrylǵan kásibi oqytýshylar júrgizedi. Oqý baǵdarlamalary bir jyldyq jáne qysqa merzimdi kýrstardan turady.
Akademiianyń alǵashqy jyly Qazaqstannan jáne kórshi elderden (Qytai, Úndistan, Resei jáne t.b.) 200 stýdent qabyldaý josparlanyp otyr. Oqýdy aiaqtaǵan túlekterge NYFA diplomdary beriledi jáne oqýyn Niý-Iorkte nemese Los-Andjeleste jalǵastyrý múmkindigi usynylady.
Qosymsha aqparat alý úshin tómendegi nómirlerge habarlasýǵa bolady:
- Qabyldaý komissiiasy: +7 707 600 6493
- NYFA resmi ókili (Almaty): +7 701 999 0321
