Foto: ashyq derekkóz
Qazaqstanda 737 myńnan astam múgedektigi bar azamat ómir súrip jatyr. Olardyń 56%-y eńbekke qabiletti jasta, 28%-y zeinetkerlik jasynda, al 15%-y 18 jasqa deiingi balalar, dep habarlaidy Ult.kz QR Eńbek jáne halyqty áleýmettik qorǵaý ministrligine silteme jasap.
Áleýmettik qoldaý jáne ońaltý sharalary
Múgedektigi bar azamattar úshin kóp deńgeili áleýmettik qoldaý júiesi jumys isteidi. Olar:
-
Protezdik-ortopediialyq kómek kórsetý, sýrdo-tiflotehnikalyq quraldar men kreslo-arbalar usyný;
-
Sanatoriilik-kýrorttyq emdeý jáne jeke kómekshi qyzmetterin usyný;
-
Áleýmettik tólemder men járdemaqylar arqyly qoldaý.
2025 jylǵy 1 sáýirdegi jaǵdai boiynsha múgedektigi boiynsha memlekettik áleýmettik járdemaqy alýshylar sany 541,1 myń adamdy qurady. Ortasha tólem kólemi – 78 763 teńge.
Inkliýzivti saiasat jáne infraqurylym beiimdeý
2024 jyldyń jeltoqsanynda 2025-2030 jyldarǵa arnalǵan inkliýzivti saiasat tujyrymdamasy qabyldandy. Onyń negizgi maqsaty – múgedektigi bar azamattardy áleýmettik-ekonomikalyq jáne saiasi ómirge tolyqqandy tartý.
2023-2027 jyldar aralyǵynda 42 myńnan astam áleýmettik infraqurylym nysanyn beiimdeý josparlanǵan. Qazirgi tańda 23 myńnan astam nysan beiimdelgen.
Ońaltý ortalyqtary men qyzmetterin damytý
Múgedektigi bar balalar men eresekter úshin jańa ońaltý ortalyqtary ashylyp jatyr. Semei jáne Taraz qalalarynda 150 oryndyq iri ortalyqtar iske qosyldy, al 2025 jylǵa deiin taǵy 10 óńirde ortalyqtar ashý josparlanǵan.
Tsifrlandyrý jáne portal arqyly qyzmet kórsetý
2020 jyldan beri Áleýmettik qyzmetter portaly iske qosylyp, múgedektigi bar adamdarǵa ońaltýdyń tehnikalyq quraldaryn óz betinshe tańdaýǵa múmkindik berdi. 2025 jyldyń 1 sáýirine deiin 211,6 myńnan astam tapsyrys oryndaldy.
Memleket múgedektigi bar adamdardyń quqyqtaryn qorǵaýdy jalǵastyryp, olardyń ómir sapasyn jaqsartýǵa baǵyttalǵan sharalardy kúsheitýdi josparlap otyr.
