Foto: Pexels.com
Qazaqstan Ishki ister ministrligi mopedti tirkeý úshin qajetti qujattardyń tizimin retteitin buiryq jobasyn jariialady, dep habarlaidy KAZ.NUR.KZ.
"Ashyq zańdy tulǵalar" portalynda 2014 jylǵy 2 jeltoqsanda qabyldanǵan "Memlekettik tirkeý qaǵidalaryn bekitý jáne kólik quraldarynyń jekelegen túrlerin esepke alý" týraly № 862 buiryqqa ózgerister men tolyqtyrýlar engiziletin joba paida boldy. Endi mopedterdi tirkeýge qajetti qujattardyń naqty tizimi usynylǵan.
Atap aitqanda, mopedti tirkeý úshin qajet qujattar mynalar: jeke basty kýálandyratyn qujat (nemese tsifrlyq qujattar servisinen alynǵan elektrondy nusqasy), tirkeý alymynyń jáne memlekettik bajdyń tólengenin rastaityn qujattar, tehnikalyq qujat nemese mopedtiń sipattamalary týraly ashyq derekkózderden alynǵan málimetter, iesiniń ótinishi, kólik quralyn qarap tekserý aktisi (eger kólik bastapqy tirkeýden ótip jatsa).
Eger mopedtiń jaqtaýynda sáikestendirý nómiri bolmaǵan jaǵdaida, Keden odaǵynyń tehnikalyq reglamentine sáikes, ýákiletti organ moped iesiniń ótinishi boiynsha sáikestendirý nómirin tirkeý aldynda beredi.
Buiryq jobasy 4 qarashaǵa deiin ashyq talqylaýda bolady jáne resmi jariialanǵan kúninen bastap on kúnnen soń kúshine enedi.
