Foto:ufacity.info
Qazaqstanda mereke kúnderi pirotehnikalyq quraldardan zardap shekkender sany 63 adamǵa jetti, dep habarlaidy Ult.kz.
Olardyń 20-sy balalar ekenin Densaýlyq saqtaý ministrligi habarlady.
4 qańtardaǵy málimetke sáikes, 12 adam aýrýhanaǵa jatqyzylǵan, onyń ishinde 5 bala bar.
Zardap shekkenderdiń basym bóligi Almaty qalasynan (19 adam) jáne Jambyl oblysynan (11 adam). Kóbine jaraqattar kóz aimaǵynda jáne qolda bolǵan, sondai-aq kúiikter tirkelgen. Ministrlik málimetinshe, zardap shekkender arasynda ortasha aýyr dárejedegi jaraqat alǵandar bar. Atap aitqanda, bir adam aldyńǵy qursaq qabyrǵasynan jaraqat alǵan, onyń jaǵdaiy ortasha aýyr dep baǵalanýda.
