Foto: Pexels.com
Qazaqstanda mektep túlekteriniń mansap jolyn tańdaýǵa kómektesetin jańa «Mansap kompasy» platformasy iske qosyldy. Bul týraly QR Eńbek jáne halyqty áleýmettik qorǵaý ministri Svetlana Jaqypova Úkimet otyrysynda málimdedi, dep habarlaidy Ult.kz.
Ministr jazǵy demalys kezinde joǵary synyp oqýshylaryn qoǵamdyq jumystarǵa tartý boiynsha júrgizilip jatqan jumystarǵa toqtaldy. Onyń aitýynsha, jergilikti atqarýshy organdar jazǵy demalys ýaqytynda oqýshylar úshin qoǵamdyq paidaly jumystar uiymdastyrý tájiribesin jalǵastyrady.
Qoǵamdyq jumystardyń artyqshylyqtary:
-
Tolyq emes jumys kúni nemese ikemdi keste boiynsha jumys isteý múmkindigi.
-
Ekonomikalyq, áleýmettik jáne ekologiialyq paida ákeletin jumystardy oryndaý.
-
Arnaiy bilimi joq jastardyń ýaqytsha jumysqa ornalasý múmkindigi.
-
Jalaqy kólemi 24 AEK-ten kem emes (2025 jyly 94 368 teńge).
Jaqypovanyń aitýynsha, «Mansap kompasy» platformasy túlekterge mansaptyq qyzyǵýshylyqtaryn anyqtaýǵa kómektesedi. Bul platforma arqyly jastar suranysqa ie mamandyqtar, oqý oryndary týraly aqparat alyp, arnaiy mansaptyq baǵdarlaý testilerin ótýge múmkindik alady.
"Bizdiń basty maqsatymyz – jastarǵa bos jumys oryndaryna teń qoljetimdilikti qamtamasyz etý", – dep atap ótti Svetlana Jaqypova.
Bul bastama eldegi eńbek naryǵyn jaqsartyp, jastardyń bolashaq mamandyqtaryn sanaly túrde tańdaýlaryna septigin tigizedi.
