Foto: Pexels.com
Qazaqstanda densaýlyq saqtaý salasyn tsifrlandyrý aiasynda Qalqan biryńǵai aqparattyq júiesin engizý josparlanyp otyr, dep habarlaidy Ult.kz.
Jańa platforma patsientterge qatysty barlyq meditsinalyq derekterdi bir júiege biriktiredi. Atap aitqanda, onda kórsetilgen qyzmetter, gospitalizatsiia, taldaýlar, dáriger taǵaiyndaýlary, sondai-aq MÁMS jáne TMKKK sheńberindegi shyǵyndar týraly tolyq aqparat qamtylady.
Qazirgi tańda bul málimetter ártúrli júielerde shashyrańqy bolǵandyqtan, patsient ózine kórsetilgen qyzmetterdiń tolyq kórinisin kóre almaidy. Al Qalqan osy derekterdi biriktirip, meditsinalyq qyzmetterdiń ashyqtyǵyn qamtamasyz etedi. Sonymen qatar, paidalanýshylar sáikessizdikter týraly habarlap, «halyqtyq baqylaý» júrgize alady.
Meditsinalyq uiymdar deńgeiinde platforma resýrstardy, kadr tapshylyǵyn, infraqurylymdy jáne qarjyny taldaidy. Osy derekter negizinde júie táýekelderdi avtomatty túrde anyqtap, olardy joiý boiynsha usynymdar ázirleidi. Sondai-aq barlyq meditsinalyq uiymdardyń reitingi qalyptastyrylady.
Sarapshylardyń esepteýinshe, jobanyń ekonomikalyq tiimdiligi 200 mlrd teńgeden asady. Bul qarjylandyrýdyń ashyqtyǵyn arttyryp, dárigerler júktemesin azaitady jáne jalpy júieniń tiimdiligin kúsheitedi.
Premer-ministr Oljas Bektenov usynylǵan tásilderdi maquldap, memlekettik organdarǵa naqty merzimder belgiledi.
25 naýryzǵa deiin – zańnamalyq túzetýler engizý
31 naýryzǵa deiin – qarjylandyrý boiynsha usynystar daiyndaý
15 sáýirge deiin – barlyq meditsinalyq uiymdardy júiege kóshirý
Jalpy, Qalqan júiesi densaýlyq saqtaý salasyn ashyq, tiimdi jáne baqylaýǵa qoljetimdi etýge baǵyttalǵan iri reforma bolyp otyr.
