Foto: Aqorda
Prezident Qasym-Jomart Toqaevqa eldegi kriminogendik ahýal jáne qoǵamdyq qaýipsizdikti qamtamasyz etý baǵytyndaǵy jumystar baiandaldy, dep habarlaidy Ult.kz.
Ishki ister ministri Erjan Sádenovtiń málimdeýinshe, biylǵy jyldyń alǵashqy eki aiynda quqyqbuzýshylyq kórsetkishteri aitarlyqtai jaqsarǵan.
Qylmys deńgeii men qaýipsizdik kórsetkishteri:
- Jalpy ahýal: Qylmys deńgeii byltyrǵy sáikes kezeńmen salystyrǵanda 8 paiyzǵa (1,3 myń qylmysqa) azaiǵan. Qylmystardy ashý deńgeiiniń artqany baiqalady.
- Kiberqylmyspen kúres: Internet-alaiaqtyqqa qarsy júieli sharalardyń nátijesinde kiberqylmys kólemi 4 paiyzǵa tómendedi.
- Uiymdasqan qylmys: 11 qylmystyq toptyń joly kesilip, 71 adam jaýapkershilikke tartyldy.
- Esirtkige tosqaýyl: 5 esirtki zerthanasy joiyldy. Zańsyz ainalymnan 881,5 keli esirtki zattary, onyń ishinde 104 keliden astam «sintetika» tárkilendi.
Zańnamalyq jańalyqtar jáne tsifrlandyrý:
Ministrdiń aitýynsha, kóshe qaýipsizdigi men kóshi-qondy baqylaýda tsifrlyq tehnologiialar keńinen qoldanyla bastaǵan. Sondai-aq, 2025 jyly qabyldanǵan «Quqyqbuzýshylyqtyń aldyn alý týraly» jańa Zań aiasynda qoǵamdy qorǵaý tetikteri kúsheitildi.
Endi elimizde dropperlik, stalking (artynan ańdý) jáne nekege májbúrleý úshin qylmystyq jaýapkershilik qarastyrylǵan.
Memleket basshysy esepti tyńdai kele, qoǵamdyq qaýipsizdikti nyǵaitý jáne jazadan bultartpaý qaǵidatyn qatań saqtaý boiynsha birqatar naqty tapsyrmalar berdi.
